Don Boscoko lau ikasle, Ikerketa eta Berrikuntzako sarietan
Zaragozan egiten ari diren Espainiako Ikerketa eta Berrikuntzako sarietan parte hartzen ari dira Don Bosco lanbide heziketako ikastetxeko lau ikasle egunotan, eta bi proiektu defendatu beharko dituzte: Hegoi Lopezek eta Adrian Borrerok Internet bidez telekontrolatutako etxea, eta Erlaitz Perezek eta Aritz Ordoñezek RFID txartelen bidez telekontrolatutako robota. Bigarren urtez, ikasleek aurkeztutako proiektuak azken fasera iritsi dira. Egitasmo horiek ikasturtean zehar diseinatu eta garatu dituzte elektronikako ikasleek eta orain beste ikastetxeekin lehiatzera joan dira Zaragozara. Internet bidez telekontrolatutako etxea Proiektua Interneten konektatzen den etxebizitza baten maketa da. Ordenagailu bat bailitzan maketa Interneten konektatzen da kable batekin, eta modu horretan munduko edozein puntutatik konektatu daiteke etxearekin ikasleek diseinatutako webgune baten bidez. Honako ekintzak egin daitezke: etxeko argiak piztu eta itzali, pertsianak igo eta jaitsi, nahiz berogailua eta haize egokitua piztu eta itzali. Webgunearen bidez jakin daiteke etxeko tenperatura zein den, alarma aktibatuta dagoen, eta deskonektatzea komeni den. RFID txartelen bidez kontrolatutako robota Bigarren proiektuan sei besotako robota landu dute. Robotak RFID motako txartela hurbildu ahala aginduak betetzen ditu. Txartel horiek Lurraldebusen erabiltzen diren txartelen antzekoak dira. Egitasmo horren helburua kontrol konplexua duten makinei alternatiba ematea izan da. Txartel horiek behar bezala prestatu gero urritasunena duten pertsonek edo itsuek ere prozesu konplexuak kontrolatzeko [...]
Zaragozan egiten ari diren Espainiako Ikerketa eta Berrikuntzako sarietan parte hartzen ari dira Don Bosco lanbide heziketako ikastetxeko lau ikasle egunotan, eta bi proiektu defendatu beharko dituzte: Hegoi Lopezek eta Adrian Borrerok Internet bidez telekontrolatutako etxea, eta Erlaitz Perezek eta Aritz Ordoñezek RFID txartelen bidez telekontrolatutako robota.
Bigarren urtez, ikasleek aurkeztutako proiektuak azken fasera iritsi dira. Egitasmo horiek ikasturtean zehar diseinatu eta garatu dituzte elektronikako ikasleek eta orain beste ikastetxeekin lehiatzera joan dira Zaragozara.
Internet bidez telekontrolatutako etxea
Proiektua Interneten konektatzen den etxebizitza baten maketa da. Ordenagailu bat bailitzan maketa Interneten konektatzen da kable batekin, eta modu horretan munduko edozein puntutatik konektatu daiteke etxearekin ikasleek diseinatutako webgune baten bidez.
Honako ekintzak egin daitezke: etxeko argiak piztu eta itzali, pertsianak igo eta jaitsi, nahiz berogailua eta haize egokitua piztu eta itzali.
Webgunearen bidez jakin daiteke etxeko tenperatura zein den, alarma aktibatuta dagoen, eta deskonektatzea komeni den.
RFID txartelen bidez kontrolatutako robota
Bigarren proiektuan sei besotako robota landu dute. Robotak RFID motako txartela hurbildu ahala aginduak betetzen ditu. Txartel horiek Lurraldebusen erabiltzen diren txartelen antzekoak dira.
Egitasmo horren helburua kontrol konplexua duten makinei alternatiba ematea izan da. Txartel horiek behar bezala prestatu gero urritasunena duten pertsonek edo itsuek ere prozesu konplexuak kontrolatzeko gai izango lirateke.
