Kanpamentua, aireportuan
Protestaldi ikusgarria egin dute gaur Hondarribiko aireportuan lan egiten duten AENAko hogei langile inguruk. CCOO sindikatuaren deiari erantzunez, 06:00etan errepide ondoko aireportuko belardian kanpamentua antolatu dute, bi kanpin denda txikiz eta mahai batzuez osatuta. Horrekin batera, zuhaitzetik zuhaitzera zihoan pankarta bat eta gasolina bidoiekin egindako pareta bat eraiki dituzte: AENAren aireportuen pribatizazioari ez leloa idatzi dute bidoietan. Espainiako Gobernuak aireportuak pribatizatzeko duen asmoaren harira mobilizatu dira Hondarribiko aireportuko langileak. «Proposamenak egungo sistemaren %49a pribatizatzea proposatzen du, eta gainera ez du argitzen aurreragorako zeintzuk diren asmoak». CCOOeko arduradunek, egungo aireportuen lan egiteko modua ona dela uste dute: «Zerbait ona denean ez dago aldatu beharrik». «Erabat publikoa den eta sarean oinarritua dagoen egungo sistema ona da. Pribilegiatua da Europako eta munduko hainbat aireporturen jarduerarekin alderatzen bada», diote langileek. Elkarretaratzearen deitzaileentzat, «Europako tarifa konpetitiboenak eskaintzen dira Espainiako Estatuko aireportuetan», eta herritarrei euro bakar bat ere kendu gabe, «AENAk bere bideak dituelako autofinantzatzeko». Horregatik, langileek ez dute pribatizazioaren beharrik ikusten, «egungoa ondo doan sistema delako, eta Europak eskaintzen duena baino kostu gutxiagoko zerbitzua ematen dugulako». Hondarribiko aireportua defizitarioa denez, bertako langileak beldur dira pribatizazioarekin itxiko dutelako, edo beste aireportuentzako «apeadero gisa» gera daitekeelako, CCOOekoen arabera.
Protestaldi ikusgarria egin dute gaur Hondarribiko aireportuan lan egiten duten AENAko hogei langile inguruk. CCOO sindikatuaren deiari erantzunez, 06:00etan errepide ondoko aireportuko belardian kanpamentua antolatu dute, bi kanpin denda txikiz eta mahai batzuez osatuta. Horrekin batera, zuhaitzetik zuhaitzera zihoan pankarta bat eta gasolina bidoiekin egindako pareta bat eraiki dituzte: AENAren aireportuen pribatizazioari ez leloa idatzi dute bidoietan. Espainiako Gobernuak aireportuak pribatizatzeko duen asmoaren harira mobilizatu dira Hondarribiko aireportuko langileak. «Proposamenak egungo
Hondarribiko aireportuko langileen protesta
sistemaren %49a pribatizatzea proposatzen du, eta gainera ez du argitzen aurreragorako zeintzuk diren asmoak».
CCOOeko arduradunek, egungo aireportuen lan egiteko modua ona dela uste dute: «Zerbait ona denean ez dago aldatu beharrik». «Erabat publikoa den eta sarean oinarritua dagoen egungo sistema ona da. Pribilegiatua da Europako eta munduko hainbat aireporturen jarduerarekin alderatzen bada», diote langileek.
Elkarretaratzearen deitzaileentzat, «Europako tarifa konpetitiboenak eskaintzen dira Espainiako Estatuko aireportuetan», eta herritarrei euro bakar bat ere kendu gabe, «AENAk bere bideak dituelako autofinantzatzeko». Horregatik, langileek ez dute pribatizazioaren beharrik ikusten, «egungoa ondo doan sistema delako, eta Europak eskaintzen duena baino kostu gutxiagoko zerbitzua ematen dugulako».
Hondarribiko aireportua defizitarioa denez, bertako langileak beldur dira pribatizazioarekin itxiko dutelako, edo beste aireportuentzako «apeadero gisa» gera daitekeelako, CCOOekoen arabera.
