LZPa bertan behera uzteko eskakizuna berretsi du Lezoko Udalbatzak
Urteko lehen ohiko osoko bilkura egin zuen Lezoko Udalbatzak atzo. Zazpi puntu jorratu zituzten zinegotziek. Bi nagusienak hirigintza arloko gaiak ziren. Alde batetik, Lurraldeko Zatikako Planari alkateak jarritako helegitea aztertu zuten. Alegazio horren puntuak azaldu zituen Haritz Salaberria alkateak. Helegitea jartzearen arrazoia azaldu zuen: “Beste baloreen eta jarduera ekonomiko batzuen alde egiten dugu”. EAJko zinegotzi Kepa Garbizuk alkatearen dokumentua “oso berandu” jaso zutela adierazi zuen. Hala ere, bere taldeak alkatearen diktamen hori osoko bilkuratik zergatik pasatu behar zen. “Alkateak egin badu, zergatik pasatu behar da plenotik?”, galdetu zien Garbizuk. “Badirudi gure jarrera behartu nahi duzuela. Guk hasieratik argi daukagu LZParen alde gaudela”, gaineratu zuen zinegotzi jeltzaleak. Bozketan ezker abertzaleko zinegotzien aldeko sei botorekin berretsi zuten alegazioa. EAJko bi zinegotziek aurka bozkatu zuten. Hirigintza plana Plenoko hirugarren puntuan Gipuzkoako Foru Aldundiak Lezoko hirigintza planaren gaineko erabakia jorratu zuten (Gaintxurizketan eraiki nahi duten industrialdeko 11 hektareak ez onartzea). Erabaki horri auzi-helegitea jartzea berretsi ala ez aztertu zuten. Udal Gobernu Taldeko kideek salatu zutenez, “zati hori ez dute onartu, baina ez digute esaten zer jarri nahi duten bertan. Horregatik jarriko dugu helegitea”. Jon Legorburu Hirigintza zinegotziaren arabera, Gaintxurizketa inguruko hainbat enpresek eta baserrik eraberritze lanak egin nahi dituzte, “baina erabaki horrekin ezin dute, [...]
Urteko lehen ohiko osoko bilkura egin zuen Lezoko Udalbatzak atzo. Zazpi puntu jorratu zituzten zinegotziek. Bi nagusienak hirigintza arloko gaiak ziren. Alde batetik, Lurraldeko Zatikako Planari alkateak jarritako helegitea aztertu zuten.
Alegazio horren puntuak azaldu zituen Haritz Salaberria alkateak. Helegitea jartzearen arrazoia azaldu zuen: “Beste baloreen eta jarduera ekonomiko batzuen alde egiten dugu”. EAJko zinegotzi Kepa Garbizuk alkatearen dokumentua “oso berandu” jaso zutela adierazi zuen. Hala ere, bere taldeak alkatearen diktamen hori osoko bilkuratik zergatik pasatu behar zen. “Alkateak egin badu, zergatik pasatu behar da plenotik?”, galdetu zien Garbizuk. “Badirudi gure jarrera behartu nahi duzuela. Guk hasieratik argi daukagu LZParen alde gaudela”, gaineratu zuen zinegotzi jeltzaleak.
Bozketan ezker abertzaleko zinegotzien aldeko sei botorekin berretsi zuten alegazioa. EAJko bi zinegotziek aurka bozkatu zuten.
Hirigintza plana
Plenoko hirugarren puntuan Gipuzkoako Foru Aldundiak Lezoko hirigintza planaren gaineko erabakia jorratu zuten (Gaintxurizketan eraiki nahi duten industrialdeko 11 hektareak ez onartzea). Erabaki horri auzi-helegitea jartzea berretsi ala ez aztertu zuten. Udal Gobernu Taldeko kideek salatu zutenez, “zati hori ez dute onartu, baina ez digute esaten zer jarri nahi duten bertan. Horregatik jarriko dugu helegitea”.
Jon Legorburu Hirigintza zinegotziaren arabera, Gaintxurizketa inguruko hainbat enpresek eta baserrik eraberritze lanak egin nahi dituzte, “baina erabaki horrekin ezin dute, 1987ko hirigintza planaren arabera dauden araututa”.
Garbizuk, bestalde, Aldundiaren erabaki hori “gomendioa” dela esan zuen: “Zerbait eraikitzen hasiz gero, agian gero aldatu egin beharko litzake, plana onartzen dutenean”. Salaberriak, ildo horretan, Aldundiak “gomendioa lege bihurtu” duela salatu du, eta Aldundiaren irizpideak eta Eusko Jaurlaritzarenak bat ez datozela gaitzetsi du. Bozketan auzi-helegitea jartzearen alde azaldu ziren ezker abertzaleko zinegotziak eta kontra, berriz, jeltzaleak.
Memoriaren Eguna
Iazko azaroaren 10ean Memoriaren Eguna egin zuten eta atzoko plenorako PSE-EEk horren gaineko mozioa aurkeztu zuen. Mikel Antxon Arrizabalaga bertan ez izan arren, mozioa aztertu zuten.
Jaione Lekuona ezker abertzaleko kideak adierazi zuenez, Memoriaren Eguna “gezur historikoan eta faltsutzean oinarrituta dago”. Horrez gain, “frankismoaren eta estatuen errepresioa” ezkuatzen duela salatu zuten, baita “gatazka irunkortzen ere”. Gaineratu zuenez, “gatazka gainditzeko eta bakea lortzeko konpromisoa” du ezker abertzaleak eta hori lortzeko Gernikako Akordioaren oinarriak nabarmendu zituen. Mozioaren kontra bozkatu zuten eta EAJk, berriz, alde.
