Harresiaren mendebaldeko horma egokituko dute
TEUSA enpresak izango du Harresiaren mendebaldeko horma zaharberritu, kontserbatu eta berreskuratzeko ardura. “Harresia berreskuratzeko lanak duela urte batzuk hasi ziren, Erreginaren Baluartearekin” adierazi du Aitor Kerejetak, Hondarribiko alkateak. “Azken lan nagusia Santa Maria ateaurrean eta Harresilandan egindakoa izan da. Dena den, badirudi Santa Maria ateko lan horiek direla eta, Gernikako Arbolan egindako lanak ahazten zaizkigula, baina han ere lanak egin ziren, izan ere, goiko aldean harriak finkatu ziren eta behean argiak eta fosoa berritu dira”. Proiektuak 703.000 euroko aurrekontua du, eta Erreginaren Baluartean egindako berreskuratze lanaren jarraipena da. Lanak egiteko epea bost hilabetekoa da. Udal Arkeologoa den Miren Ayerbek adierazi duenez, “mendabaldeko horman lan hau eginda Hondarribiko Harresiaren bi heren bikain egongo dira. Baina beste herena geratzen da eta zailagoa da kudeatzen eta berreskuratzen, San Nikolas Baluartea eta bertatik Magdalena Baluartera doan zatia, Iturri Berritik Javier Ugarte kalera doana, alegia. Berez harresiaren goiko aldean garai batean zeuden kainoi-zuloak berreskuratu nahi dira. Gure helburua harresiari arkitektura aldetik daukan handitasuna itzultzea da, bere kontserbazioa gaur egungo hiritartasunaren erabilera eta eboluzioarekin uztartuz”. Kerejetak gehitu duenez, “argi dago horretan kudeaketa arazoak ditugula, izan ere jabego pribatuak eta etxebizitzak ditugu bertan. Edonola ere, Udala hasia da lurrak berreskuratzen, batetik Elizarekin akordio bat sinatu zuen, eta [...]
TEUSA enpresak izango du Harresiaren mendebaldeko horma zaharberritu, kontserbatu eta berreskuratzeko ardura. “Harresia berreskuratzeko lanak duela urte batzuk hasi ziren, Erreginaren Baluartearekin” adierazi du Aitor Kerejetak, Hondarribiko alkateak. “Azken lan nagusia Santa Maria ateaurrean eta Harresilandan egindakoa izan da. Dena den, badirudi Santa Maria ateko lan horiek direla eta, Gernikako Arbolan egindako lanak ahazten zaizkigula, baina han ere lanak egin ziren, izan ere, goiko aldean harriak finkatu ziren eta behean argiak eta fosoa berritu dira”. Proiektuak 703.000 euroko aurrekontua du, eta Erreginaren Baluartean egindako berreskuratze lanaren jarraipena da. Lanak egiteko epea bost hilabetekoa da.
Udal Arkeologoa den Miren Ayerbek adierazi duenez, “mendabaldeko horman lan hau eginda Hondarribiko Harresiaren bi heren bikain egongo dira. Baina beste herena geratzen da eta zailagoa da kudeatzen eta berreskuratzen, San Nikolas Baluartea eta bertatik Magdalena Baluartera doan zatia, Iturri Berritik Javier Ugarte kalera doana, alegia. Berez harresiaren goiko aldean garai batean zeuden kainoi-zuloak berreskuratu nahi dira. Gure helburua harresiari arkitektura aldetik daukan handitasuna itzultzea da, bere kontserbazioa gaur egungo hiritartasunaren erabilera eta eboluzioarekin uztartuz”.
Kerejetak gehitu duenez, “argi dago horretan kudeaketa arazoak ditugula, izan ere jabego pribatuak eta etxebizitzak ditugu bertan. Edonola ere, Udala hasia da lurrak berreskuratzen, batetik Elizarekin akordio bat sinatu zuen, eta bestetik bostehun bat metro karratuko lur zatia erosi zuen. Ondorioz orain erronka Magdalena Baluartea berreskuratzea da. Proiektu zaila izango da, eta gutxi gorabehera sei milioi euroko aurrekontua izango du. Lurrak desjabetu beharko dira, eta gure gainetik dauden erakundeei dirulaguntzak eskatuko dizkiegu, orain arte bezala. Foru Aldundia eta Eusko Jaurlaritzari ez ezik Kultura Ministerioari ere eskatuko diogu laguntza”, bukatu du Kerejetak.
