Irungo Udala, Korrokoitz 9 gaiaz: "Oraindik ez dugu bizilagunen erantzunik gure proposamenei"

Korrokoitz 9ko bizilagunek mahairen gainean bi alternatiba dituztela esan du Xabier Iridoy Hirigintza ordezkariak

2016/02/01

Korrokoitz 9ko bizilagunetako bi

Irungo Udalak, Hirigintza ordezkari Xabier Iridoyren hitzetan, Korrokoitz 9ko bizilagunen erantzunaren zain dagoela esan du, “oraindik ez dugu bizilagunen erantzunik gure proposamenei”. Hau da, udalak esan du termiten eraginaren ondorioz guztiz kaltetuta dagoen eraikineko bizilagunei udalak helarazitako bi alternatibei erantzunik ez duela jaso. Kezkatuta daude zeharo bizilagunak bizi duten egoeraz. Udalak esan duenez, “arazoaren tamainaz hasieratik kontziente” izan da, “eta bertako bizilagunen egoera ekonomikoaren araberako soluzioak ematen saiatu gara”. Udalak, gaiari argia eman nahian, Korrokoitz 9ko bizilagunei proposatutako bi alternatiben berri eman du. Lehena da eraikina bota gabe, hura berritzea, etorkizunean bertan egitasmoren bat landuko balitz eskubideak gal ez ditzaten. “Bizilagunek eraikina berritzeko lan horien balorazioa egiteko prest agertu ziren, eta aurrekontu bat aurkeztu zen. Aukera horrek ekarriko luke hiru jabeek inbertsio bat egin behar izatea haien eskubideak mantentzeko”. Udalak mahaiaren gainean jarritako bigarren aukera izan zen eraikina dagoen eremu osoa erostea, horren barne eraikinaren ondoan dagoen 100 metro koadroko lurzorua sartuz: egun jaberik ez du eremu horrek, eta udalak esan duenez, hori erosita nabarmen igoko litzateke eremu osoaren balioa. Horrela, udalak zonaldea erostearekin batera, eraikina eraistearen kostua bizilagunek beregain hartu beharko lukete. Gainera, udalak adierazi du eraikineko bigarren solairuan bizi diren bizilagunak ez direla bertako etxebizitzaren jabe, eta babes ofizialeko etxebizitza bat noiz jaso zain daudela. Lehen solairuko bizilagunen gainean esan du etxebizitzaren alokairua ordaintzeko nahiz bestelako laguntza ekonomikoak jasotzen dituztela; egun ez dira bertan bizi horiek, inguruko etxebizitza batean bizi dira, “haiek eskatu zuten bezala”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Irungo Udala, Korrokoitz 9 gaiaz: "Oraindik ez dugu bizilagunen erantzunik gure proposamenei"

Gipuzkoa

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak