Albisteak

Hondarribia Euskadiko txapeldun

Euskadiko 8+ ko aulki mugikorreko txapelketa erlojupean jokatu zuten atzo laugarren urtez jarraian Legutioko uretan. Ama Guadalupekoak txapelketa irabazi egin zuen, eta 5 minutu eta 45 segundutan gelditu zuten erlojua hondarribiarrek. Getxo sailkatu zen bigarren, Santiagotarrak hirugarren, eta jarraian Orio, Arraun Lagunak eta Ur Kirolak sailkatu ziren. Ondorengo arraunlariak izan ziren garaile: Julen Castrillon, Iñigo Vertiz, Ekaitz Aznar, Iker Amador, Manex Alday, Xamu Kanpandegi, Asier Puertas, Mikel Orbañanos eta Joan Alza. Haize haundia egiten zuen eta horregatik ligako jardunaldia bertan behera gelditu zen. Gainera Gipuzkoako trainerilla ligako 5. eta 6. jardunaldiak jokatu dituzte asteburuan Hondarribian eta Pasaian. Larunbatean Gipuzkoako trainerilla ligako 5. jardunaldia etxean jokatu zuten hondarribiarrek, eta nagusi izan ziren. Etxeko taldea zen faborito nagusia eta ez zuten hutsik egin, ia 2 segunduko errentarekin garaitu zituzten hondarribiarrek Zumaia. San Juan hirugarren izan zen eta San Pedro bostgarren. Federazioko kopa ere jokatu zuten Hondarribiko uretan, eta San Juan B izan zen azkarren, Zumaia bigarren, eta Getaria hirugarren. Jubenil mutiletan zumaiarrek eskuratu zuten garaipena eta getariarrak emakumezkoetan. Igandean aldiz, Pasaiako moreek trainerilla ligako lehen garaipena eskuratu zuten etxean. Bigarren postuarekin konformatu behar izan ziren sanjuandarrak, segundu bat baino gutxiagoko abantailaz irabazi bait zieten sanpedrotarrek. Hondarribia izan zen hirugarren. Federazioko Kopan larunbateko [...]

admin

Genealogiaren gaineko jardunaldia larunbatean Mendi Zolanen

Herriko Etxeak Ikas ezazue zuen arbasoak aurkitzen goiburuko genealogiari buruzko jardunaldia antolatu du hilaren 14rako, Genealogie du Pays Basque-Adour eta Jakintza elkarteen laguntzarekin.

admin

Oiartzun Irratia: maiatzak 9

Gaurko programazioa FM107an: 10:00etan, Arguyuan: 10:30ean: Kirol informazioa. 11:30ean: OARSO BIDASOKO HITZA-ren eskutik, informazioa. 12:10ean: Elkarrizketa. 13:15ean: Kirol emaitzak. 15:00etan: Albisteak. 18:00etan: Arguyuan (errepikapena). 20:00eta...

admin

Oiartzun Irratia: maiatzak 8

Gaurko programazioa FM107an: 10:00etan. Hiru kortxea.

admin

Etxetik kanpo, herriko bi futbol taldeak

Beti Onak eta Touringek etxetik kanpo jokatuko dituzte jardunaldi honetako bi partidak. Beti Onak izango du lehiarik garrantzitsuena. Gaurkoan arerio indartsuaren kontra aritu beharko du, hirugarren sailkatua den Ostadar Lasarte-Oriako taldea izango ba...

admin

Mendiko bizikleta Opena izango da hilaren 28an

Hilaren 28an (larunbata) Pasaiako Mendiko Bizikleta Opena jokatuko dute. Trintxerpe Atletiko Klubak antolatutako proba San Pedrotik, Mendiolatik, abiatuko da 16:30ean, eta Karpanta zubian bukatuko da, itsasargirako bidean. 5,2 kilometro izango ditu zir...

admin

Irungo trafikoa arintzeko lur gaineko tranbiaren alde egingo dute jeltzaleek

Hauteskunde kanpainian hizpide izango dituzten gai nagusiak aurkeztu ditu aste honetan Xabier Iridoy buru duen EAJren hautagaitzak. Jeltzaleak Udalean talde bezala lan egiteko konpromisoa agertu dute, eta hala azaldu ziren astelehenean eta asteazkenean komunikabideen aurrean, kanpainiako ildo nagusiak aurkezteko. Zubietako Parke Teknologikoaren aldeko apustua, langabeziaren kontrako borroka, eta lur gaineko tranbia, horiek dira jeltzaleen apustuetako batzuk. Trafikoa da Iridoyren ustez hiriak duen buruhauste larrienetakoa, “herritarrak ados jartzen dituen arazoa”. Alkategaiarentzat lur gaineko tranbiak hiriko trafikoa arintzen lagunduko luke, eta kutsadura murriztu; Azken Portu kiroldegitik abiatu eta Hondarribiko hondartzaraino iritsi beharko luke tranbiak bere ustez, “hiri erdigunetik igaroz”. Gainera, bidegorri sarea osatzea ezinbestekoa ikusten dute Irungo jeltzaleek. Hiriko bidegorri sarea “egin behar ez den urbanismoaren eredu” da Elena Etxegoienentzat, EAJko zerrendako hirigintzaz arduradunarentzat. Alde Zaharraren erabateko zaharberritzea bultzatuko dutela esan zuen Etxegoienek, eta zeregin horretarako zinegotzi ordezkari bat beharrezkoa dela uste du, alboan tekniko multzo bat izango lukeena. Gainera, trenbide eremuaren moldatzeko proiektua bultzatuko dutela ziurtatu du, baina “udaletxeko ekonomia sine-die hipotekatu gabe”.

admin

Landarbasok 20 urte bete ditu

Bigarren hamarkada ere egin du Landarbasok, eta hori dagokion bezala ospatzeko, hainbat ekitaldi egingo dituzte gaurtik hasi eta urte osora begira. Gaur, hain zuzen, Xenpelar Etxeko Landarbaso abesbatza, hogei urte erakusketa inauguratuko dute, arratsaldeko zazpietan. Gaur jardun dira hogei urte horien gainean Juan Carlos Merino alkatea, Jose Angel Rodriguez Errenteria Musikaleko presidentea eta Iñaki Tolaretxipi Landarbaso abesbatzako zuzendaria. Merinok nabarmendu du hogei urte “emankor eta oparoak” izan direla, batik bat emanaldiei dagokienez. Hala, pixkanaka aitorpena jaso duela iritzi dio, bai Euskal Herri mailan eta baita nazioartean ere: “Txinatik Tolosara”. Rodriguezek berretsi du Landarbasorekin elkarlanean jarraituko dutela, eta edozein ekintza eta hitzarmenetarako prest dagoela Errenteria Musikal. 231 kontzertu, eta hamar nazioarteko sari Tolaretxipik hogei urte hauetako datuen berri eman du: “231 kontzertu, lau sari nazional, nazioarteko hamar sari, bost Grand Prix”, izan dira Musikasteren zenbakiak. Horrez gain, hamalau estreinaldi egin ditu (guztiak Musikasten), eta zazpi herrialdeetan eman ditu kontzertuak. Musikasten, hain zuzen, zortzi urtez jarraian egon dela Landarbaso gogorarazi du Tolaretxipik, eta Donostiako Musika Hamabostaldian, bost aldiz. Datuekin batera, prestatu dituzten ekintzak ere jakinarazi ditu. Gaur, hasiko dira erakusketaren inaugurazioarekin (maiatzaren 21a arte egongo da zabalik), eta horrekin batera, estreinaldiak nabarmendu ditu. Hiru izango dira denera: Alcaraz, Guerrero eta Miskinis. Horrez [...]

admin

Hondar Kirolak eta Txirrinda zerbitzuak hasi dituzte

Udan Prebentzio Komunitarioko Udal Zerbitzuak Gazte Enpleguko, Txirrinda eta Hondar Kirolak proiektuak martxan jarri ditu, herriko gazteek lan mundua ezagutu eta herritar gisa parte har dezaten. Txirrinda proiektuak aurten hamahiru urte beteko ditu, Hondarribiko Udalak eta Decathlonen arteko elkarlaguntza hitzarmen bati esker, eta horrela, uztaila eta abuztuan zehar txirrindak alokatzen dituzte. Proiektu honetan hezitzaile baten laguntza izango duten Decathlonek kontratatutako 4 gaztek parte hartuko dute, eta Decathlonek utzitako txirrinda berriak alokatzen dituzte. Txirrinda zerbitzua abuztuaren 26a arte izango da, asteartetik igandera 10:00etatik 14:00etara eta 16:00etatik 20:00etara. Txirrindak gazteei lan mundura gerturatzea du helburu, eta kasu gehienetan lehenengo lana izango da. Alokairu postuan zuzenean lan egin aurretik, gazteek aukeraketa prozesu bat egin behar dute elkarrizketa baten bidez, arlo sozio-laboralean trebatzen joateko. Aurten, kontratatutako 4 gazteak, alokairu postuan hasi baino lehen, integrazio prozesu gisa, Decathlon-eko dendan, aurretiko formakuntza bat egingo dute. Hondar Kirolak proiektuak zazpigarren urtea beteko du eta hondartzako udal instalazioetan kirol animazioak eskaintzean datza. Aurtengo udan, kirol suspertzaile lanak egingo dituzten 15 gazte kontratatuko dituzte, eta besteak beste, futbol eta boleibol partiduak antolatuko dituzte, bai eta kirol materialen mailegua prestatu ere. Proiektu honen helburua gazteen parte-hartzea eta aisialdi osasuntsua bultzatzea ere bada. Hondar Kirolak astelehenetik ostiralera egingo dituzte, arratsaldeko 16:00etatik [...]

admin

Arkume Eguneko kamisetak jasotzeko egunak

Xanistebanetako Arkume Egunean parte hartzeko ekainean izena eman zutenek, datorren astean jaso behar dituzte kamisetak. Bi egun jarri dituzte: hilaren 19a eta 20a —asteartea eta asteazkena—, 19:00etatik 20:00etara, Girizia elkartean.

admin

Fanderiako frontoia alokatzeko zozketa

Errenteriako Udal Kirol Patronatuak jakinarazi duenez, hilaren 19an zozketa egingo dute Fanderiako pilotalekua urtean zehar alokatu ahal izateko. Zozkatuko dituztenak 2011-2012 denboraldiko alokairu orduak izango dira; alegia 2011ko irailaren 1etik 201...

admin

Santanderrera irteera antolatu dute Trintxerpeko erretiratuek

Hilaren 28an joango dira Trintxerpeko erretiratuak Santanderrera. 07:45ean irtengo dira Trintxerpetik, Lehen geldialdia Laredon egingo dute, eta han egingo dute hamaiketakoa. Santanderrera joango dira gero, eta han La Gaviota jatetxean bazkalduko dute,...

admin

Santioetako programa banatuko dute bihar

Bihar goizean Santio Jaietako programa banatuko dute Iturriozko auzoan barrena. 10:00etan jarri dute hitzordua, Soroan. Auzotarrei agertzeko eta laguntzeko deia egin diete. Festak, bestalde, hilaren 24an eta 25ean, eta 30ean eta 31n ospatuko dituzte (b...

admin

Ingurumena udalaren ardatzetako bat izango dela esan du gobernu taldeak

Bilduk eta EBk hitzartutako akordioaren harira, Ingurumen departamentuaren kargu Jose Manuel Ferradas EBko zinegotzia egin da, eta atzo datozen lau urteetarako lan ildoak aurkeztu zituzten berak eta Julen Mendoza alkateak, departamentuaren abiapuntua zein den zehazteaz gain. Hala, ingurumenaren garrantzia nabarmentzeaz gain, horren aldeko “apustu sendoa” egin zuten. Mendozak NBE Nazio Batuen Elkartearen txosten bati egin zion erreferentzia gaiaren garrantzia nabarmentzeko, eta txosten horrek dio munduaren garapena egungo bidean baldin badoa ehun urteko biziraupena izango duela: “Udal honek ezin du egoera horretatik kanpo mantendu, eta aurre egin beharko diogu ingurumenaren gaiari”. Ferradasek ere ildo berari jarraitu zion, eta ingurumen politikek egungo legegintzaldiko kudeaketan lehentasuna izan behar dutela iritzi dio. Hala ere, azken lau urteetako “kudeaketa eskasa” izango dela euren abiapuntua gogorarazi zuen: “Horren adibide da 2011ko aurrekontuetan ingurumenerako inbertsioen atalean euro bat ere ez dagoela, eta ingurumenerako aurrekontu osoa 270.000 eurokoa dela, azken urteetako txikiena”. Horrekin batera, aurreko udalak “hainbat gai estrategikoetan izandako pasibotasua” salatu zuen Ferradasek; esate baterako, Pasaiako Portuan, Donostialdeko Lurralde Zatikako Planean eta baita inguru naturalaren babesean ere. Horren aurrean, “ingurumen gaia transbertsala izatea” bultzatuko du Ingurumen Sailak, eta sei lan ildo izango ditu: Ingurumen Departamentuari giza baliabide eta baliabide ekonomiko gehiago ematea, ingurumen eta lurralde planifikazioa egitea, [...]

admin

Etxez etxeko laguntza bultzatuko dute, egoitzak ahalik eta gehien saihesteko

Zaharrek eta ezinduek etxean bizitzea nahiago dute, egoitza batean bizitzea baino. Eta Administrazio Publikoak ere ohartu dira horretaz. Bi arrazoirengatik, bereziki. Batetik, gaixoentzat eta helduentzat ona delako. Bestetik, merkeagoa da aurrekontu pu...

admin

Tesinsako langileen borroka

Tesinsa enpresak zortzi langile kaleratu dituela eta, manifestazioa egin dute gaur eguerdian enpresa dagoen 108 poligonoan zehar, LAB sindikatuak deituta. Greba eguna ere izan da gaurkoa. Kaleratzeak salatzeaz gain, “kontratuen malgutasun kontua...

admin

350.000 euro utzi ditu Hondarribian ONCEren zozketak

Aitor Gonzalez Larrarteren kioskoan ONCEko kupoiak erosi zituzten hamar hondarribiarrek 35.000na euro jasoko dituzte. Izan ere, atzoko (asteazkena) ONCEren zozketak 350.000 euro ekarri ditu herrira, hamar kupoiren artean banatuta. San Pedro kalean du k...

admin
Gehiago