'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


Juan Mari Lekuona zenaren liburutegia Udal jabetzakoa da, Udalak Kultura Sailaren bidez Lekuonaren sendiarekin egin duen hitzarmenari esker. Pasa den ostiralean sinatu zuten Aitor Etxeberria alkateak eta Oihana Lekuonak —Lekuonak izendatutako ordezkariak— bere liburutegiaren dohaintza-agiria. Hil aurretik, idatzita utzi zituen Lekuonak bere azken borondateak. Horien artean zegoen Primi arrebaren etxean gordeta zuen liburutegi pertsonala Manuel Lekuona Bibliotekari ematea. Zeregin hori aurrera eramateko, Oihana iloba izendatu zuen ordezkari. Bibliotekari egindako dohaintza ia 500 liburuko bilduma da, gehientsuenak euskal gaiei buruzkoak. Udalaren asmoa, Manuel Lekuona Bibliotekako fondoa aberasteaz gain, liburutegia oiartzuar eta euskaltzale guztien eskura jartzea da. Aurretik bere osaba On Manuel Lekuonaren liburuekin egin bezala, liburu horiek guztiak katalogatu ondoren jarriko dituzte eskuragai. Juan Mari Lekuona Berasategi Oiartzunen jaio zen 1927ko azaroaren 11n eta Donostian hil zen 2005eko abenduaren 5ean. Idazlea, euskaltzaina, irakaslea eta apaiza izan zen. Teologia ikasketak egin zituen eta ondoren, apaiztu egin zen.

Trintxerpeko Itsastarrak eta Herrerako Mendi Zaleak mendi taldeek Aralarrera irteera antolatu dute etzirako. Lizarrustiko gainean hasiko dute ibilaldia eta hortik Lareo eta Enirio presara iritsiko dira. Hortik bi ibilaldi egingo dituzte; bata, Jentillarri dolmenetik Zaldibia eta Larraitzera. Eta bestetik joanez gero, Ganboa mendia (1.404 metro) egiteko aukera izango dute, eta hortik Larraitzera jaitsiko dira. Irailean Piriniotara Aralarko zeharkaldiak Piriniotarako egingo duten irteera prestatzeko balioko die mendizaleei. Datorren hilean joango dira Piriniotara, ekainaren 4an eta 5ean. Ozako oihanera joango dira eta han daudela Atxer Gaztelua (2.390 metro) eta Forca (2.391 metro) mendiak egiteko aukera izango dute. Izena emateko Etziko irteeran nahiz Piriniotako irteeran izena emateko aukera dago dagoeneko. Horretarako edota informazio gehiago eskuratzeko, hiru telefono zenbaki jarri dituzte eskuragarri: 943 39 07 26, 943 39 60 29 eta 943 39 60 55. Bestalde, hilaren 24an ezohiko asanblea egingo dute.

Xanet Arozena Muxika. Gemma Roteta Lopetegi. Jagoba Larburu Iza. Alex Los Santos Ferreres. Lali Santesteban Elizaga (independentea). Cristina Martinez Garrido (independentea). Iñaki Olaizola Antxustegi (independentea). Gemma Lopetegui Oliva (independ...

Sagardo Eguneko antolatzaileak batzarrera deitu dituzte jai horretako ondorioak ateratzeko. Datorren asteartean egingo dute, 20:00etan, Niessen elkartean.

Isurketa solidoen hiru gune ilegal atzeman ditu Behemendik Pasaian. Baserri inguruak zaintzen ditu Behemendik eta, salatu duenez, kontrolatu gabeko 104 gune zenbatu dituzte, Oarsoaldean, Donostialdean eta Bidasoan.

Pasaiako Udalak uztailerako antolatu dituen udaleku irekietan begirale gisa lan egin nahi dutenek bihar dute izena emateko azken eguna. Hautaketa probak, etzi egingo ditu Urtxintxak, Udal Euskaltegian, 18:00etan. Interesdunek 09:00etatik 14:00etara egi...

Apirilerako iragarri zuen Miguel Buenek lanen hasiera, eta Maiatzak oraindik hamabost egun egin ez dituenean abiatuko dira. Gaur hasiko dira San Pedron lonja berrirako lanak. Pasaia Eraikina eta Arrandegia 2 atonduko dituzte, ondoren lonjaren jarduera hara lekualdatu ahal izateko, eta arrandegi zaharraren eraiste lanei ekin ahal izateko jarduera eten gabe. Lanei ekin ahal izateko ingurua hesitu dute, autoek bertan aparkatu ez dezaten eta aurrefabrikatuak eta edukiontziak han jarri ahal izateko. Hiru hilabeteko iraupena Portuko iturriek jakinaraz dutenez, lanen lehen faseak hiru hilabeteko iraupena izango du, eta 670.000 euroko aurrekontua. Lonjaren jarduera orain atonduko duten ingurura lekualdatuta, eraiste lanei ekingo diete. Arrandegia 2 eta Arrandegia 1 eraikinak botako dituzte lehenik eta horiek bukatuta hasiko dira lonja berria altxatzen eta ingurua urbanizatzen. Portu Agintaritzako iturrien arabera, hiru urte beharko dituzte orain hasiko dituzten lanak guztiz bukatzeko. Esan dutenez, 2014ko uda baino lehen amaituta egongo dira. Beharra eta argi ilunak Urteak dira lonjako erabiltzaileak lanak hasteko zain direla. Behin baino gehiagotan agertu dute kezka azken urte hauetan eraikinaren “egoera tamalgarriarengatik” kezkatuak. Urteetako itxaronaldiak, baina, bukatzear dela ematen du. Edonola ere, ez dira gutxi egitasmo honen gaineko argi ilunak. Lonjako erabiltzaileek arazo asko izan dituzte Portu Agintaritzarekin kudeaketaren baldintzak negoziatzerakoan, eta hainbat hilabetetan harremanak [...]

Irristatze kirolak maite dituztenentzako Bikingo Egunaren lehenengo edizioa antolatu du larunbaterako HS2 Hondarribia Sup Eskolak. Honela, bertan egiten dituzten ekintzak ezagutaraziko dituzte. Jai eguna arratsaldeko 15:00etan hasiko dute, orduan eman...

Kukai dantza konpainiak lan berria aurkeztu du: Karrikan. Sei dantzarik eta DJ batek osatutako kale ikuskizuna da, eta etzi aurkeztuko dute Leioan (Bizkaia) Umore Azokan. Herriko dantzazaleek, ordea, gertutik ezagutzeko aukera izango dute gaur bertan. Izan ere, entsegu publikoa emango dute Errenteria Hiria Kulturgunean, 19:30ean. Gonbidapena lortu beharko dute joan nahi dutenek dantza@kukai.info posta elektronikoan. Dantzaz gain, ahotsa eta musika bilduko dituen kale ikuskizuna izango da, eta hiru koreografiaz osatuta dago. Koreografia bakoitzak koreografo bana izan du: Damian Muñoz eta Virginia Garciaren Sorbatza, Iker Gomezen Aupa mutil eta Pantxika Telleriaren Fight for fandango. Hirurak koreografo garaikideak dira, baina euskal tradizioa oinarrian zeukaten dantza sortzeko enkargatu zieten dantza konpainiakoek. Sorbatza “oreka berrezarri nahi duten lau gizonen arteko errituala” bezala definitu dute sortzaileek: “Gerra sinbolo bat bakea eraikitzeko”. Aupa mutil-en mamia honakoa da, berriz, Iker Gomez egilearen arabera: “Nahiz eta nekatuta, lehertuta, akituta, joka, mareatuta… egon; beso, hanka eta bizkarra zizko eginda izan; eta birikak, aurkitu ezinda nabilen hitz bat garrasi egitez, erabat hustuta izan.. badakit harrotasun kontu bategatik zutik jarraituko dudala”. Fight for fandago, berriz, honela definitu du Pantxika Telleriak: “Fandangoaz, fandangoetaz, hitz egin nahi digu, edo hobeki erran, gogoetara bultzatu nahi gaitu gu herriko dantzariok”. Gaur eman dituzte ikuskizun berriaren [...]

Lezoko airearen kalitatea iazkoa baino okerragoa da 2011ko lehen sei hilabeteetan. Hala jaso du Polentzarrene kalean dagoen aire neurgailuak. Hamar mikrako diametroa baino gutxiago neurtzen duten material partikulatuak (PM10)dira Lezon kutsadura arazo gehien sortzen dituztenak. 102/2011 Errege Dekretuaren arabera, urtean gehienez 35 aldiz gainditu daiteke 50 mikragramo metro kubikoko eguneko batezbesteko PM10 kontzentrazioa. Iaz hamar egunetan gainditu zen kopurua, eta aurtengo lehenengo sei hilabeteetan hamabost aldiz gainditu da. Batez besteko PM10aren kopurua ere igo egin da. Iaz 25 mikragramo m3-ko izan zen batez bestekoa, eta aurten 30era iristen ari dira. Gehienezko kopurua 40 mikrogramokoa. Leire Beteta Ingurumen teknikariak azaldu duenez, Pasaiako Portuko zamalanek sortzen dute aire kutsadura gehien. Merkantzien karga eta deskarga lanak sortzen du hori, batez ere txatarraren manipulazioak, hauts partikula ugari botatzen baitu airera. Hala ere, aurtengo datuak ez dira 2002 eta 2005 urteen artekoak bezain larriak. Epe horretan “nabarmen” gainditu zuten muga. Datuak, webgunean Lezoko aire kutsaduraren datuak udalaren webgunean (www.lezo.net) ikus daitezke. Bertan, Zerbitzuak atalera jo behar da, eta hor Ingurumena Sailaren atalean sartu. Bertan lotura bat dago aire kutsaduraren datuak erakusten dituena. Eusko Jaurlaritzak kudeatzen du webgunea, Polentzarrene kaleko aire neurgailua bezala. Datuetara doan loturaz gain, 102/2011 Errege Dekretua ere kontsulta daiteke. Errege dekretu horrek [...]

Bihar ostirala, uztailak 22, urtero bezala, Maria Madalena auzoko jaiak ospatuko dituzte. Jai Batzordeak antolatuta eta Udaleko Kultura sailaren laguntzarekin egun osoko programa antolatu dute, haur, gazte eta helduentzat, eta meza, haur jolasak, afar...

Euskal Herriko Joko Garbi Txapelketan, haurretan, Txosteko pilotariek ezin izan dute finalera iritsi. Pasa den ostegunean jokatutako partidan, 40-21 galdu zuten Baigorriren kontra Baigorrin (Nafarroa Beherea). Urduritasunak alde batetik eta sakeak errestatzerakoan izandako huts andanak bestetik, eragotzi zieten oiartzuarrei finalera pasatzea. Piloteoan ongi aritu ziren, baina saketik 21 tanto jasotzea gehiegizkoa izan zen. Dena den, txapelketa aparta egin dute Txosteko pilotariek, eta zoriondu egin dituzte taldeko gainotzeko kideek. Izan ere, lehenengoz iritsi da Txost Euskal-Herriko Txapelketa baten finalaurrekoetara. Errebote txapelketa Euskal Herriko Errebote Txapelketan, bestalde, finala jokatu zuten pasa den ostegunean Hazparnen (Lapurdi), Helduen Mailan. Luzaz Gazte (Donibane Lohizune, Lapurdi) eta Azkaine aritu ziren elkarren kontra, eta lehenengoek 13-4 irabazi zuten. 5-4 egon baziren ere, borroka handi baten ondorioz, Donibanekoak nagusitu ziren, azkenean. Partidak bi ordu eta erdi iraun zuen. Finalean izan ziren Txost taldekoak diren bi pilotari: Peio Etxeleku (txapelduna Donibanerekin) eta Laurent Albiztur (txapeldunordea Azkainerekin). Biak izan ziren onenetarikoak euren taldeetan. Hurrengo lehiak Dagoeneko Frantziako Errebote Txapelketa jokatzen ari dira, biarnoarrak tartean. Enrike Abril Errebote Txapelketa, berriz, abuztuaren 28an hasiko da. Txapelketa hori Billabona, Zubieta eta Oiartzungo plazetan jokatzen dute Ipar Euskal Herriko eta Hego Euskal Herriko pilotariek. Txapelketa horretan parte hartuko du herriko Txost taldeak ere, bai [...]

Egitaraua Etzi, hilak 23, larunbata Guraso eta haurrentzat Gaubela, dorretxean. 20:30ean. Afaria. 22:00etan. Karaokea. Ondoren. Bertan lo egiteko aukera egongo da. Norberak bere afaria eta lotako gauzak eraman beharko ditu (zakua, esterila, pijama…). Hilak 24, igandea, Santio bezpera 11:00tan. Haur jolasak, eta bertaratzen diren guztien laguntzaz auzo apainduko dute. 19:00etan. Lertxunaren altxaerarekin Santio Jaiak hasiko dituzte. Jarraian. Haurtzaro Dantza Taldeak euskal dantzak eskaniko ditu lertxunaren aurrean, eta segidan buruhandiak ibiliko dira auzoan barrena, dultzaineroen laguntzaz. 21:30ean. Auzo afaria, Iturri Berri elkartean. Sarrerak salgai daude Gure Txoko tabernan eta Martin harategian. Afal ostean. Olatz eta Xabi musikariek giroa alaituko dute Iturri Berri elkartean. Hilak 25, astelehena Santio eguna 9:00tan. Goiz eresia, Oiartzungo Lartaun Txistulari Taldearekin. 10:30ean. Meza nagusia auzoko hildakoen omenez, Soroko gurutzean. 11:30ean. Idi-dema. Artola eta Mixiyuaren idi pareen arteko desafioa. 16:30ean. XXI.Kronoeskalada (3-15 urte). 18:30ean. Artzain txakur lehiaketa. Ondoren. Bokatak afaltzeko aukera. 22:30ean. Santioetako argazki zaharrekin egindako bideoaren emanaldia. Ondoren. Musika emanaldia, Oiartzungo Irati Odriozola eta Ane Badiola abeslarien eskutik. Hilak 27, asteazkena 14:00etan. Jubilatuen bazkaria, Iturri Berri elkartean. Hilak 29, ostirala 16:30ean. Gorriti show. Jarraian. Txokolate jatea bertaratzen direne guztientzat. 20:00etan. Presoen aldeko kartelada. 22:00etan. Bajinaren Bakarrizketak antzezlana. 22:00etan. Truk txapelketa, Iturri Berri elkartean. 22:00etan itxiko dute izen-ematea. [...]

Betiko Xanti eta Maialen. Betiko banda. Betiko txupinazoa. Urteak daramatzate madalenetako ikur izaten, eta egun ere halaxe izaten jarraitzen dute. Horren erakusle da 1917ko madalenetan Udal Musika Bandari ateratako irudia, edota 60eko hamarkadako txupinazoa eta erraldoi eta buruhandien martxa. Momentu horiek bizi zituztenek buruan grabatuta izango dituzte irudi horiek; han izan ez zirenek, ordea, beste irtenbide bat daukate garai bateko madalenak zein herrian egiten ziren beste festak ezagutzeko: Errenteriako seme-alabak 1926-1970 erakusketa. Hilabete bukaerara arte egongo da Errenteria-Oreretako Xenpelar Etxean. Astelehenetik ostiralera 17:30etik 20:30era ikus daiteke, eta jaiegunetan, berriz, 12:30etik 14:00etara. Hilaren 21. Arratsaldeko zazpiak. Herriko Enparantza. Banda albo batean, eta plaza, bitartean, leporaino beteta. Ez da gaur eguneko txupinazoaren deskribapena. Duela 50 urte ere egoera berbera errepikatzen zela ikus daiteke argazki zaharretan. Beste adibide bat: Xanti eta Maialen. 1955ean gaur egun bezala haurrak buruhandien maskurietatik iheska ibiltzen ziren erraldoiak jira eta bira herriko kaleetan barrena dantzan ibiltzen ziren bitartean. Erakusketan ere 1920ko egitaraua ikus daiteke. Orduko hainbat ekimen egun egiten ez diren arren, beste hainbeste oraindik mantentzen dira: pilota partidak, su artifizialak, zezen suzkoa… Konparaketa ugari egin daitezke historian zehar izandako madalenen artean, eta seguru ez direla alderatzeko modukoak ere, baina urteak joan eta urteak gauza batzuk ez dira [...]

Kaia handitzeko dauden proiektuen artetik «jasanezinena» Pasaiakoa dela iritzi dio Greenpeacek. Pasaiako kanpo kaiaren egitasmoa gelditu beharra dagoela iritzi dio Greenpeacek. Moratoria bat eskatu berri du proiektuarentzat, talde ekologistaren ustez...

Herriko taldeen artean lehiaketa egin ondoren, Berdintasun Kontseiluak hiru talde aukeratu ditu 2011-2012 denboraldian espontsorizatzeko. Honakoak dira: Hibaika Arraun Elkartea, EAT Errenteriako Atletismo Taldea eta Ereintza eskubaloi elkartea. Hiru talde horiek aurkeztu diren zortzi taldeen artean emakumeen presentzia eta parte hartze arloetan puntu gehien lortu dituztenak izan dira, Berdintasun Kontseiluaren arabera. Hiru talde horiez gain, honakoak izan dira aurkeztutako gainontzekoak: Beti Ona, Saski Oiarso saskibaloi taldea, Touring, Rentoks beisbol eta softbol taldea eta Oarsoaldea Igeriketa Kirol Elkartea. Horrenbestez, babesa lortu duten taldeek 2.000 euroko diru laguntza, Berdintasun Kontseiluaren irudia, elkarteko giza baliabideen eta baliabide materialen erabileran parekotasuna eta komunikabideei lotutako sustapena lortu dituzte. Berdintasun Planean kirol eremuan jasotako helburuekin bat egiten duten taldeak izan ditu kontuan kontseiluak espontsorizatzerako garaian. Hala nola, klubean emakumeek duten presentzia (zuzendaritzan, talde teknikoan edota kirolarien artean), emakumeak lehia ofizialetan hasi diren lehen urtea, horietan dauden emakumeak, kirola sustatzeko planik baduten ala ez… Horrekin batera taldeko zenbait alderdi ere kontuan izan ditu: zenbat emakume dauden, talde teknikoan emakumeek duten presentzia, zein kategoriatan jokatzen duten… Hori guztia kontuan izan dute talde bakoitza ebaluatzerako garaian, eta guztien artean puntu gehien lortu dituzten taldeak Hibaika eta EAT izan dira bakoitzak 68na punturekin. Hurrengo tokian Ereintza Elkartea geratu da 64 [...]

Artea dibertigarria da, eta zirikatzeko egina dago. Hala azaldu dute Arteando Arte Garaikidearen azokaren antolatzaileek. Azoka aurten antolatu dute lehenengoz, eta bihar zabalduko dute Irungo Ficoba erakustazokan. Egungo arte plastikoak publiko orori ...

Baginaren bakarrizketak komedia igandean gaueko 22:30ean Santiago kalean izango da. Txalo produkzioak ekoitzitako antzezlana euskaraz eta doan izango da. Baginaren bakarrizketak egindako elkarrizketa batzuen emaitza da, eta horretarako adin, arraza, ma...