Albisteak

Bost pilota partida ikusteko aukera, etzi

Etzi 19:15etik aurrera bost partida ikusteko aukera izango da Madalensoron. Kadete 2. Mailakoa, bat: Oiarpe-Zestoa. Kadete Lehen Mailakoak, bi: Oiarpe 2-Aurrera Saiaz eta Oiarpe 1-Azkoitia. Azken bi partidak Senior Mailako partidak izango dira. Senior ...

admin

Kanpo kaiaren ingurumen txostena urria bukaeran aurkeztuko dute

Kanpo kaiaren ingurumen txostena bukatzean publikoki aurkeztuko dutela iragarri du Portu Agintaritzako buru Lucio Hernandok, aurkezpen publikoa deitzearen konpromisoa bere gain hartuz. Uda aurretik agindu zuen bezala, ingurumen txosten berria urriaren 31rako bukatuta izango dutela berretsi du Portu Agintaritzako buruak, eta planaren aurkezpen publikoa data horren bueltan izango dela iragarri du. Bere bigarren administrazio kontseilua izan zenaren aurretik egin zituen aipatu adierazpenak Lucio Hernandok, atzo, bileran jorratu behar zituztenak prentsaren aurrean aurreratzen ari zela. Esan zuenez ingurumen txosten berria «teknikoki eta zientifikoki akatsgabea» izan dadin gogor ari dira lanean. Aurreko txostenak 1300 alegazio jaso zituela gogorarazi zuen Portuko buruak eta horiek denak gainditzeko ahaleginean ari direla azaldu zuen. Trafikoaren beherakada Urtebeteko epean portuko merkantzien trafikoak %7,3 jaitsi egin dela esan zuen Hernandok. Abuztura arte eta iazko datuekin alderatuta 176.800 tona gutxiago mugitu ditu Portuak. Honenbestez, krisiaren eragina nabaritzen ari direla eta datuak ezkutatzeko ez daudela aitortu zuen Portu Agintaritzako buruak. Arrantzan eta autoetan dituzte daturik baikorrenak, baina siderurgikoetan 500.000 tona gutxiago mugitu dituztela esan zuen. Edonola ere, uzkur, baina trafikoen aurreikuspenei eusteko itxaropena agertu zuen Portuko buruak. 4 milioi tona mugitzea aurreikusi dute. Horrez gain, Portuaren administrazio kontseiluan bi kide berri ariko direla iragarri zuen Hernandok: Errenteriako udalaren ordezkaria EAJko [...]

admin

Uda agurtzeko festa antolatu dute Kantinan

Puntetako kantinan agur esango diote asteburuan udako sasoiari, eta horretarako hainbat jarduera berezi antolatu dituzte. Larunbatean Sabur taldearen kontzertua izango da, 20:00etan. Musika alaia eta dantzagarria egiten du Sabur taldeak. Igandean berri...

admin

‘Bateragune auzia’-ren adierazpena eta hamasei gazte auzipetuen mozioa aurrera

Atzo arratsaldean egin zuten uda osteko lehen udalbatzarrean, bi puntu nagusi zituzten zinegotziek eztabaidatzeko: Bateragune auziari buruzkoa bata, eta eskualdeko hamasei gazte auzipetuei buruzkoa bestea. Biak aurrera atera ziren udal gobernu taldearen (Bildu eta EB) eta EAJren aldeko botoei esker. Bi kasuetan PSE-EEk eta PPk kontra bozkatu zuten. Bateragune auzia-ri buruzko proposamena Bilduk eta EBk egin zuten; lau puntukoa: Errenteriako Udalak bere egitea bake prozesua eta normalizazio politikoa erakunde eremutik defendatzeko eta sustatzeko; udalak salatzea Bateragune auziko epaiaren izaera politikoa, eta Espainiako Estatuari eskatzea bake prozesurako eta normalizazio politikorako ekarpenak egitea epaiketa politikoekin amaitzeko; udalak exijitzea zigortutako pertsona guztien askatasuna, batik bat, Errenteria-Oreretako Sonia Jacintorena; eta akordioa Espainiako Gobernuari eta gainontzeko instantzia judizialei igortzea. Jose Manuel Ferradas EBko bozeramaileak adierazi zuen “ezin direla gainetik pasatu irekitzen ari diren denbora berriak entzungor egiten dituzten epaiak”. Maite Peña EAJko bozeramaileak gai horretan alderdiak markatutako ildoari jarraituko diotela adierazi zuen, eta horrenbestez, bat egiten dutela erabakiarekin (alde dispositiboarekin), baina ez, ordea, erakusketarekin (alde expositiboarekin). Hain zuzen, alde dispositiboa bozkatzeko eskatu zuen Peñak, eta hori atera zen aurrera. Kontrako botoei dagokionez, Juan Carlos Merino PSE-EEko bozeramaileak azaldu zuen ez zutela bat egingo adierazpen instituzionalarekin: “Nahiz eta bake eta normalizazioan momentu interesgarrian bizi garen, eta [...]

admin

Udal ludotekan izena emateko epea zabalik, etzira arte

Ludotekaren ikastute berrirao matrikulaepea zabalik dago

admin

Esperientziak trukatu nahi dituzte literatura tailerrekin Hondarribian

Zapigarren urtez Hondarribiko liburutegiak literatura tailerrak antolatu ditu. Horrela, izena emateko hiru tailer antolatu dituzte irakurzaleek esperientziak trukatzeko helburuarekin; liburuaren hitzordua, euskaraz, liburuarekin zita eta larunbat bat, ...

admin

Mystery Train taldeak kontzertua emango du Kabigorrin larunbatean

Mystery Trainen hainbat taldeetan jo izan duten musikariak elkartu dira, Elvis Presleyren abesti klasikoak interpretatzeko.

admin

Killirikuperen ikastaroen aurkezpena, bihar

Emakumeentzako ikastaroak antolatu ditu Killirikupek: Emakumearekiko tratu txarra; Tratu txarraren trataera eta Zergatik okertzen gara? Bihar aurkeztuko dituzte hirurak, 18:00etan, Manuel Lekuona Bibliotekan.

admin

Patxi Larrea: “Harro esan dezaket txapeldun gehien egin dituen dantzaria naizela”

Dantza soltearen alde egindako lana eskertzeko omenaldia egin zion larunbatean Errenteria-Oreretako Beti Prest Dantza Taldeak Patxi Larreari (Lezo, 1939). Ibilbide luzeak ematen duen esperientziarekin, dantza soltearen osasunaz mintzatu da Larrea, besteak beste. Biharko OARSO BIDASOKO HITZA-ren paperezko edizioan argitaratuko den elkarrizketaren bi galdera eta erantzun dira honakoak. Beti Prest Dantza Taldeak omenaldia egin berri dizu. Zer sentitu duzu? Ez da hau izan omentzen nauten lehenengo aldia. Sentimendu nahasketa bat da azkenean: ilusioa, poza eta baita deserotasun puntu bat ere, begi asko dagoelako zuri begira. Orokorrean eskertzekoa da, baten batek onartzen duelako zuk egindako lana. Zure garaiko eta gaur egungo dantza soltearen artean alderik ba aldago? Nire garaian nahiko ezjakinak ginen. Gaur egun, orain 50 urte zeuden akats berberak errepikatzen dira, errotuta daudelako. Nire ustez, denon iritziak entzun, eztabaidatu eta kontuan hartu behar dira gauzak hobetzen saiatzeko. Aurrean, entzun, ikusi eta eztabaidatu nahi ez duten pertsonak baldin badituzu, federazioa kasu, ezin da ezer egin akats horiek gainditzeko.

admin

Maddi Oihenartek kontzertua emango du Gezalan

Maddi Oihenart kantari zuberotarrak kontzertua eskainiko du datorren ostegunean Gezala Auditoriumean. Kontzertua 19:30ean hasiko da eta hamar euro balio ditu (lehiatilan bertan eros daitezke). Jakinarazi dutenez, pintxoak eta edariak izango dira bertan.

admin

Kontsumo Arduratsuaren Azokan izena emateko azken eguna da gaur

Larunbatean Kontsumo Arduratsuaren Azoka egingo dute Lezon. Herritarrentzako erakusmahaiak jarriko dituzte, eta gaur arte eska dezakete bere txokoa. Herritarrek zein elkarteek eskuko edozein material saldu dezakete: arropak, liburuak, jostailuak, etxeko tresnak… Horrela, herritarrek (edota elkarteek) erabiltzen ez dituzten objektuei irtenbidea eman nahi diete. Izan ere, azokaren helburua hondakinak murriztea eta berrerabiltzea da. Izena eman nahi duenak 943 49 22 15 telefono zenbakira deitu behar du, edo info@izadi21.net helbide elektronikora bidal dezake mezua. Konfirmatutako postuak Karlos Saldise plazan jarriko dituzte erakusmahaiak, 11:00etatik 14:30era, eta hainbat arlo jorratuko dituzte bertan. Bigarren eskuko objektuak salduko dituztenen artean euren presentzia ziurtatu dute Paleike elkarteak (paleak berrerabiltzen dituzte), Emausek eta Itsas Gelak. Hala ere, ez dira bakarrak izango. Herriko ikastetxeek ere postua jarriko dute, Eskola 21 Agendaren barrukoa. Bestalde, Lezoko Udalak ere bere txokoa izango du. Bertan, udala ingurumenaren arloan egiten ari den lana jakinaraziko diete herritarrei. Horrela, autokonpostajeari buruzko informazioa emango dute, baita legegintzaldi honetan martxan jarri nahi dituzten herri-lurretako baratzeen gainekoa ere. Horrez gain, bigarren eskuko liburuak salduko dizkiete herritarrei. Eguneroko erosketak egiterakoan berrerabilpena sustatzeko asmoz, udalak plastikozko 2.000 poltsa berrerabilgarri banatuko ditu, Zaborrik gabe, bizi baietz! leloarekin. Soberan baleude, herriko komertzioei emango dizkiete. Ez da banatuko duten bakarra izango. Izan ere, azoka [...]

admin

Herritarrengan pentsatuz egindako aurrekontua auzoz auzo eramango du udalak

Gaur eguerdian 2012rako aurrekontuaren aurrerapena egin du Aiora Perez de San Roman alkateak. Horrez gain, Gobernu Taldeko hainbat kidek aurrekontu hori gizarteratzeko prozesuaren berri eman dute. Izan ere, udalak aurreratu duenez, “herritarreng...

admin

Bidasoko emakumeen lehenengo jardunaldia, Zuloaga Etxean

Bidasoko emakumeen lehenengo jardunaldia antolatu du Hondarribiko Emeki elkarteak hilaren 29rako. Ideiak partekatzen lelopean, esperientziak, iritziak eta kezkak partekatu nahi dituzte. Ekimena astearte goizean Zuloaga Etxean egingo dute. Jardunaldian ...

admin

Hondarribia-Irunek sasoiko lehen garaipena lortu du Hondartzan

Helburu bakarra zeukan Hondarribia-Irunek larunbat eguerdiko norgehiagokan: etxean lehen garaipena eskuratzea, eta baita lortu ere. Bigarren garaipena jarraian dute bidasoarrek, eta jaitsiera postuetatik irtetea lortu dute. Galiziako Celta taldearentzat ere, garaipen garrantzitsua izan zitekeen, etxekoek bezala, garaipen bakarra eskuratu baitute aurtengo denboraldian, baina 72-60ko azken emaitzarekin, garaipena etxekoentzat izan zen. Partida eguerdiko hamabietan jokatu bazuten ere, harmailetan giro polita izan zen. Partidaren hasiera berdindua izan zen oso. Saskiraketetan ez zuten asmatu eta lehen laurdena berdinduta bukatu zuten. Bigarrenaren hasieran hasi ziren etxekoak markagailuan aldea lortzen. Errebotean gailentzea lortu zuten, eta erasoan Laura Garciaren saskiraketek lagundu zuten atsedenaldira alde polit batekin iristen: 42-28. Hamargarren sailkapenean Bigarren zatian, aldeari eusten saiatu zen talde bidasoarra, eta ez zuten 8-10 puntuko aldea murrizten utzi. Azkenean, aurkari zuzena menderatuta, garaipen garrantzitsua lortu zuten. Bigarren garaipen horrekin, sailkapenean gora egin, eta jaitsiera postuetatik atera da Hondarribia-Irun. Hamargarren daude, zortzi punturekin. Datorren asteburuan Ros Casares bisitatuko dute Pepelu Mujikaren neskek, eta garaipena eskuratzea zail izango dute. Izan ere Ros Casares sailkapen nagusiko bigarren postuan dago 12 punturekin, eta beraz, irabazteko partida zaila izango da larunbatean eguerdiko hamabietan Valentzian jokatuko dutena.

admin

Yon Oñatibiaren jaiotzaren mendeurrena ospatzeko, kontzertua 27an

Oiartzungo Doneztebe parrokian. Igandea, 27. 13:00etan. Yon Oñatibiaren jaiotzaren mendeurrena ospatzeko kontzertua. Easo Kapera Gregorianista Abesbatzak, Lartaun Txistulari Taldeak eta Lartaun Abesbatzak parte hartuko dute. Organista, berriz, Maialen...

admin

Anunciatak Galiciencian parte hartuko du

Aldaketa klimatikoaren gainean ikasleek sortutako bideo jokoa aurkeztuko dute lehiaketara Anunciata ikastetxeak gonbidatu gisa parte hartuko du bihar hasi eta larunbata bitartean Ourensen egingo den Galiciencia lehiaketan. Galiziako Tecnopale parke teknologikoak antolatzen duen ikasleentzako zientzia lehiaketa da Galiciencia. Anunciatak dagoeneko hainbat sari jaso dituen Aldaketa klimatikoaren erruleta. Bideo jokoa lana aurkeztuko du lehiaketara. Ivan Matellanes eta Victor Selegante ikasleek sortutako lana da, eta aldaketa klimatikoaren teoria eta bilakaera azaltzeaz gain, gaiaren gaineko sentsibilizazioa sustatzeko helburuz landu dutela adierazi dute ikasleek.

admin

Negu Festa antolatu dute Giriziako mendizaleek

Igandean izango da. Bedaio-Lizartza ibilbidea egin, eta Negu Festa ospatuko dute Giriziako mendizaleek. 07:30ean aterako dira ikastolako aparkalekutik eta Bedaiora joango dira. Ibilaldia honela egingo dute: Bedaio, Laparmendi (812 m etro), Otsabio (801...

admin

Joseba Mitxelena eta Jesus Mari Ruiz oiartzuarrak saritu dituzte euren konpostagatik

Gipuzkoako Foru Aldundiaren egoitzan, etxean egindako konpost lehiaketako sariak banatu zituzten atzo arratsaldean. Gipuzkoako 53 lagunek parte hartu dute lehiaketan, eta lehen hiru sarietatik bi Oiartzunera etorri dira. Joseba Mitxelenak irabazi du le...

admin
Gehiago