
Gaur egun bizi dugun krisi ekonomikoak gogorki astindu du mundu osoko ekonomia. Merkatu pribatu zein inbertsore pribatu batzuen diru ase-ezintasunak sekulako zuloak eragin ditu eta zulo hori diru publikoz estali nahi dituzte. Gainera, banketxeek sorturiko diru zulo hori estaltzeko dirua emateaz gain erabat zentzugabeak diren azpiegitura erraldoietan (AHT, Supersur…) milaka milioi euro gastatzen dabiltza. Baina administrazio publikoaren kaudimentasuna ez da mugagabea, behiari esnea amaitzen zaion moduan, administrazioa ez da gai zulo hori ordaintzeaz gain bere beste betebeharrei aurre egiteko. Beraz, hemen kokatu behar dugu merkatuek erabaki eta estatu espainola aplikatzen ari diren hainbat neurri eta murrizketa. Haiek sortutako zuloa langileok eta gizarteko biztanle txiroenek ordaintzea nahi dute. Aspalditik esaten gabiltza haien helburua estatu ongizatearekin amaitzea dela, eta antza denez bide horretan lehen pausuak ematen hasiak dira. Urte askotako borroken ondorioz lortutako eskubide zibilak ezabatu nahi dituzte! Oiartzuarrak ere tamalez gurpil honen barnean gaude. Azken urteetan eman den enplegu suntsitzea izugarria izan da. Datuei begiratu ezkero Oiartzunen 2007ko abuztuan 291 langabe zeuden, 5 urte ondoren, 2012ko abuztuan hain zuzen ere, 532 langabe daude, ia bikoitza. Enpresei dagokionez daukagun argazkia oso kezkagarria da. Hainbat enpresek itxi egin behar izan dute (Iberemec, Dimp, Molpo, Oiarplas, Aramar, Sogefi…), hauen artean garrantzitsuena Ramon Vizcaino izan [...]

Euskotrenek txirrindentzako aparkaleku estalia erabiltzaileen eskura jarriko du asteazkenetik aurrera, Irungo Colon geltokian. Aparkalekuak 55 txirrindentzako lekua eskainiko du eta Donostiako Amara auzoko geltokiko ezaugarri berak dauzka. Horiek horrela, aparkalekuaren erabilera treneko erabiltzaileentzako erreserbatuta egongo da eta hori erabiltzeko garraio txartela eramatea eta balioztatzea beharrezkoa izango da. Hori dela eta, trenen ordutegien barne soilik utzi ahal izango dira bizikletak bertan, eta asko jota 24 orduz aparkatuta egotea baimenduko da. Aparkalekuak, Eusko Jaurlaritzako Garraio sailak bultzatu ditu.

Errenteria-Oreretako pilotariek asteburu txukuna egin dute, eta lau partidetatik hiru irabazi eta bakarra galdu dute. Honakoak dira emaitza guztiak: Gomazko paleta nagusiak. 2. maila: Batzokiko (J.Martínez-I.Martínez) – Loiolatarra 24 – ...

Europako Mugikortasun Iraunkorraren aldeko asteari bukaera eman diote asteburuan Irunen egindako hainbat jardueren bidez. Mugikortasun iraunkorraren aldeko kontzientzia piztu aldera, bizikletan segurtasunez ibiltzen ikasteko ikastaroa, txirrinden mantenua egiteko tailerra, umeentzako marrazki lehiaketak… izan dira asteburuan. Hamarnaka lagunek parte hartu dute aste osoan zehar antolatutako jarduera ezberdinetan.

Euskaraz Bizi Nahi Dut Eguna egin zuten larunbatean Irungo Zabaltza plazan. 14 urte arteko ume eta gazte orok antolatutako ginkanan, laserketan, erreleboetan… parte hartzeko aukera izan zuten. Hala, eguraldia lagunduta hamarnaka umek parte hartu zuten euskararen normalizazioaren aldeko ekimenean eta bertan antolatutako proba ezberdinetan. Kontseiluak bultztautako ekimenean Bidasoa Atletiko Taldeak, Irun Iruten euskara elkarteak, Bidasoako EKT-k eta beste hainbat eragilek lagundu zuten.

Ugaldetxoko jaiak dira asteburuan, eta horien barruan, Txipitoko maldatik behera, goitibehera jaitsiera egingo dute igande arratsaldean. Animatzen direnek, bihar dute apuntatzeko azkeneko eguna. Amazkar eta Intxixu tabernetan eman daiteke izena, edota ...

Beste urte batez, Ereintza dantza taldeak herri dantzen ikastaroa prestatu du, dantza mota hori sustatzeko asmoz: muxikoak, fandangoa, arin-arina… Interesa dutenak ostegunerako deitu dituzte Ereintzaren egoitzan, 20:00etan. Bilera horretan ikasta...

Bihar arratsaldean ekialdeko dantzen eta flamenko ikastaroen gaineko bilera bana egingo dituzte Trintxerpeko Alkateordetzan, Pasaia Musikalek antolatuta. Ekialdeko dantzen ikastaroari buruzkoa 18:00etan izango da, eta flamenkoarena ordubete beranduago....

Fermin Muguruza izango da gaur Berria.info agerkari digitaleko Zinemaldi@n saioaren laugarren ataleko gonbidatua. Zuloak dokumentalari buruz mintzatuko da irundarra. Saioa 11:30ean ikusi ahal izango da zuzenean Berria.info-n, baita ondoren egun osoan zehar; gauean 22:00etatik 23:00etara ikusi ahal izango da Hamaika Telebistan. Hamaika Telebista eta Berria ostiralean hasi ziren Donostiako Zinemaldiari buruzko Zinemaldi@n programa zuzenean eskaintzen, Kursaaletik. Lehen saioan Maialen Beloki Zinemaldiko aukeraketa batzordeko kidea eta Ramon Agirre aktorea izan ziren gonbidatuak. Herenegun, berriz, Juanmi Gutierrez Mur-mur dokumentalaren zuzendaria eta Berta Gaztelumendi Mariposas en el hierro dokumentalaren zuzendaria. Atzo, Kandido Uranga eta Igor Otxoa izan ziren. Irailaren 26an ez da emanaldirik egingo, greba orokorra dela eta. Muguruzaren konspirazioa

Larunbat eguerdian XXIX. Bordari eta Satarka literatura lehiaketen sari banaketa egin zuten udaletxeko areto nagusian. Udaleko euskara saileko arduradunak eta zenbait zinegotzi elkartu ziren bertan, saridunekin, eta epaimahaia osatu duten pertsonekin. Epaimahaia honako hauek osatu dute aurten: Bordari Lehiaketan, Jexux Mari Mendizabal, Mayi Iza, Juan Garzia eta Karlos Zabalak; eta Satarka Lehiaketan, Martin Iturbe, Markox Balentziaga eta Mertxe Mitxelena izan dira. Batean zein bestean, Txomin Sagarzazu Euskarako zinegotziak eta Karmelo Goikoetxea Euskara teknikariak parte hartu dute. Guztira 60 lan aurkeztu dituzte aurten Hondarribiko euskarazko literatur lehiaketetan, 29 ipuin (21 A mailan eta 8 B mailan), eta 31 olerki (24 eta zazpi). Unai Oiartzun kazetaritza ikasle irundarrak irabazi du aurtengo Bordari Literatur Lehiaketa, Sekretua hilobira lanarekin. Bigarren Asier Osinalde geratu da, Lehenengo bezeroa ipuinarekin, eta Ainara Elizondorentzat izan da Hondarribiko lan onenaren saria; Haizea isiltzen denean lana aurkeztu du Elizondok. B mailako sari nagusia Izurdeek badakite dantzan lanarentzat izan da, Laura Gallegok idatzitakoa. Hondarribiko lan onenaren saria ere beretzat izan da. Bigarren Nahia Puente geratu da, Eskubeltz kontakizunarekin. Olerki saria etxean geratu da Mikel Arruabarrenak irabazi du Satarka Olerki Lehiaketako A Maila, Bohemia lanarekin. Etxekoa izanik, Hondarribiko lan onenaren saria ere berarentzat izan da. Izenak izanari zor goiburuko olerkiarekin, Ainara Elizondo [...]

Kale Nagusiko 7. zenbakiko eraikina eraitsi dute dagoeneko. Orubearen garbiketa lanak bukatu ondoren, Irungo iraganeko argazki batzuen bidez estaliko dute eraikinak kale Nagusian utzitako hutsunea. Udalak oraindik ez du zehaztu zein erabilpen emango zaion orubeari. 32.793,86 euroko kostua edukiko du eraispen lanak.

Fernando San Martin Gazteria zinegotziak VII. Break Dance Txapelketaren xehetasunen berri eman du gaur goizean. Dantzaldia abenduaren 29an egingo dute Amaia Kultur Zentroan, 17:00etan abiatuta. San Martinek Irunbreak dantza taldearen ibilbidea goraipatu du agerraldian. “Martindozenea Gaztelekuan parte hartu dute ireki zenetik, eta bertan jaio zen Irungo break dantza txapelketa” adierazi du. Aurtengo ekitaldiak Madrilgo, Malagako eta Bartzelonako taldeen parte hartzea izango du, eta Bboy Chinok, Bboy Valenek eta Bboy Monok osatuko dute epaimahaia.

Gipuzkoako I. B-Boying Txapelketa jokatu zuten larunbat arratsaldean Kataxulo Gaztetxian. B-boy Underground izan zen irabazlea, B-boy Stamer bigarrena, eta B-boy Maku hirugarrena. Bideoa finalekoa da. Underground eta Stamer elkarren aurka, bi irtenaldi...

atez atekoaren gainekop parte hartze prozesua baikor baloratu du udalak

Bidasoko AEK euskaltegiak antolatuta, Pirritx, Porrotx eta Mari Motots Hondarribian izan ziren atzo 25 urteko bilakaera jasotzen duen Sentitu, pentsatu, ekin ikuskizun berria aurkezten. Bi saio eman zituzten, 16:00etan eta 18:30ean, eta AEKtik esan dutenez, “bi saioetako sarrera guztiak saldu zituzten”. Guztira, 1.200 lagun elkartu ziren Hondartza kiroldegian. Sentitu, pentsatu, ekin ikuskizunak Euskal Herriko haurren pailazo maitatuenen ibilbideari errepasoa egiten dio. Amona Josefinak 100 urte bete ditu eta lagun zaharrak joaten zaizkio opariak eramatera. Hala, azken hogeita bost urteetan kaleratutako diskoetatik hainbat abesti kantatu eta dantzatu zituzten atzo Hondartzan. Irungo Dantzaka dantza akademiako kideek bi abestietan parte hartu zuten: Andaluzia, eta Maite zaitut. Abesti horiek Sentitu, pentsatu, ekin. Sinfonikoa diskoan grabatu dituzte. Besteak beste, Euskadiko Orkestra Sinfonikoaren eta Donostiako Orfeoi Txikiaren laguntza izan dute pailazoek diskoa grabatzeko.

FUTBOLA Erregional Ohorezko Maila Arrasate-Hondarribia 0-2 SASKIBALOIA Emakumeen Liga Hondarribia Irun-Obenasa 49-56 ESKUBALOIA Euskal Liga La Bacaladera Hondarribiak atseden izan du.

Hondarribia futbol taldeak garaipena lortu zuen Arrasaten atzo arratsaldean Mondragon taldearen kontra (0-2), Lurraldeko Ohorezko Mailako hamalaugarren jardunaldian. Partida oso borrokatua izan zen. Etxekoek baloiaren kontrola edukitzen saiatu ziren baina ez zuten aukera askorik sortu. Aldiz, Hondarribiak ondo eutsi zien Arrasatekoei eta bikain baliatu zituen etxeko atzelarien hutsak, bi golak sartzeko. Rodri Alonsok sartu zuen lehenengoa eta Aitor Tijerok partida erabakita utzi zuena. Hondarribiarrek, gainera, aukera gehiago sortu zituzten eta beste golen bat sartzeko aukera izan zuten. Partida amaituta Mikel Llorente entrenatzaileak bere jokalarien lana txalotu zuen eta datorren asteburuan joko bera errepikatzea espero duela esan zuen: “Garaipen oso ona izan da. Etxetik kanpora taldea izugarri dabil eta orain etxean hobetu behar dugu. Ziur naiz datorren larunbatetik hasita egingo dugula”. Llorentek onartu duenez, etxean baino emaitza hobeak lortu ditu taldeak kanpoan. Hondartzatik urrun jokatutako zazpi partidetatik lau irabazi eta bat berdindu ditu Hondarribiak. Besteak beste bigarren Real Unionen eta laugarren Oiartzunen zelaietan irabazi du eta hirugarren tokian dagoen Aretxabaletarekin berdindu. Eta lider Hernaniren aurka gol bakarrez galdu zuten berdeek, ligako lehen partidan. Azkena, Tourinen kontra Urteko azken partida etxean jokatuko du Hondarribiak, Oreretako Touring taldearen kontra. Etxean Beriorekin galdu eta gero, zortzigarren postuan dago Touring. Azken lau partidak galdu dituzte errenteriarrek [...]

Gabonetako egitaraua aurkeztu du gaur eguerdian herri bilguneak