Reggae Uhinak
Psilocybe Musika Elkarteak bere aretoan egin izan ditu kontzertuak normalki. Baina noizean behin, udan gehien bat, kalera irteten dira, haien programazio musikala herriari eskaintzeko xedearekin. Hori bera egingo dute ostiral honetan (31). Reggae Uhinak jaialdia antolatu dute lehen aldiz, harresietan, Dantz jaialdia egin izan den tokian. 18:00etatik 01:00etara luzatuko dute, sound systema martxan izango dutela.
Reggaea izango da protagonista. 18:00etatik 21:00etara warm up moduan hiru pintxada izango dituzte. Hondarribiko HearthBound bikotea bertan izango da, Bob Lion gambiarrarekin eta Heartical Eights Soun Systemeko kideekin batera. Bakoitzak ordu oso bat izango du. Oraindik eguzki izpiak gozatzeko aukera izango da, Psilocybeko kideek jarritako barrarekin disfrutatzen den bitartean.
21:00etatik aurrera Stepi Selektah irundarrak jarriko du musika, eta hainbat abeslari pasako dira mikrofonotik.Maila handiko hiru artista izango dira oholtza gainean: Kbless, Novato eta Belen Natali. Kbless iruindarrak duela hilabete batzuk erakutsi zuen bere musika areto arroxean, baina orain bakarlari moduan ibiliko da, Stepiren gidaritzapean. Novato bizkaitarrak dance hall eta reggae doinuak abesten ditu, eta besteetan baita ekoitzi ere. Azkenik, Belen Natali argentinarrarekin, Herrialde Katalanetatik hurbilduko dela egunataz gozatzera.
Sarrera librea izango da, eta musika elkartetik, edonori zabaldu nahi izan diote gonbita, denon artea musikaz disfrutatzeko.
