Xabier Iridoy Hirigintza ordezkaria pozik agertu da lortutako aurrerapausoekin.
Hiriaren Antolamendurako Plan Orokorrarekin talka egiten duten hainbat gai daudela esan du gobernu taldeak
Mendi martxa egin zuten pasa den larunbatean Gaintxurizketan barrena, Lurraldeko Zatitkako Planak Kaltetutako Asanbladak antolatuta. Guztira, 60 bat lagun bildu ziren Gurutze Santuaren plazan eta Gaintxurizketarako bidea hartu zuten. Mendi martxan Gaintxurizketako eremuan eraiki nahi duten 180 hektareako plataforma loistikoa salatu zuten. Hori eraikitzeak bertako baserri lurretan eragingo lituzkeen kalteak ere arbuiatu dituzte, eta baserri lurren aldeko aldarria egin zuten. Gainera, Gaintxurizketan bizi diren baserritarrekin hitz egiteko geldialdiak egin zituzten, bertako bizilagunei entzuteko eta proiektuaren nondik norakoak jakiteko asmoz. Lehenengo geldialdia Urrullo baserrian egin zuten. Jaizkibelgo kanpo kaia egingo balitz, bertara joateko tunelek eta sarbideek baserria kaltetuko lukete. Herrikoetxen ere gelditu ziren ibilaldian parte hartu zutenek (plataforma logistikoaren barnean geratuko litzakete baserria). Berdin egin zuten Bakarraztegin (N-1 errepidea A-8 autopistarekin lotzeko errepide berriarengatik eraitsiko lukete) eta Granada, Abdendaño eta Itsuek baserrietan. Azken horien kasuan, geltoki intermodala eraikitzen badute, bota egingo lituzkete bi etxe horiek. Hamaiketakoa eta hitzaldia Itsue baserrian egin zuten hamaiketakoa, bertako bizilagunek prestatutakoa. Gainera, etxe horretakoek hitza hartu zutenean, nekazaritza lurren balioaz eta bertako produktuak ekoizteko zein garrantzitsuak ziren azaldu zieten mendi martxan parte hartu zutenek. Horregatik, Gaintxurizketa bere osotasunean mantentzearen aldeko apustua egin zuten Itsueko bizilagunek. Aitor Esnaola Legorretako bizilaguna (egun espetxean dago) ere gogoratu zuten mendi [...]
Nola eragingo digu plataforma logistikoak? Hala izena dute Oiartzun Arriskuan taldeak antolatu dituen jardunaldiak. Plataforma logistikoak Oiartzunen eta Lezon izango dituen ondorioez hitz egingo dute horietan. Donostialdeko Lurraldeko Zatikako Planak (LZP) 180 hektareako eremua hartzen duen plataforma logistikoa proposatzen du Oiartzun eta Lezoko lurretan, eta azpiegitura horren baitan, garraio geltoki bat ere proposatzen du. Plataforma horrek kanpo portuarekin lotura zuzena izango luke eta baita beste azpiegitura batzuekin ere. Jardunaldietan, azpiegiturok ingurugiroan eta ekonomian izango duten eraginari buruz hausnartu nahi dute. Hitzaldia eta mahai ingurua Bihar, Alberto Lopez arkitektoak hitzaldia emango du eta plataformak eta gainerako azpiegiturek Oiartzun eta Oarsoaldean izango duten eraginaz hitz egingo du. Etzi, mahai ingurua izango da, eta bertan Pavel Viñas Oiartzungo zinegotziak eta Haritz Salaberria Lezoko alkateak parte hartuko dute. Gainerako alderdi politikoei ere mahai inguruan parte har dezaten gonbita luzatu diete. Bi egunetako ekitaldiak 19:00etan izango dira, udaletxeko areto nagusian. Oiartzun Arriskuan taldetik jakinarazi dutenez, Oiartzungo Udalaren laguntza izan dute jardunaldiak antolatzeko. Bestalde, gaiaren garrantzia kontuan izanik, Oarsoaldea eta Behe Bidasoko norbanakoei, erakundeei, elkarteei… jardunaldietara agertzeko deia egin diete. Proiektuaren kontra LZPren kontra agertu dira herritar asko. Lezon eta Oiartzunen, esaterako, 8.400 alegazio baino gehiago bildu zituzten, tartean bi udalenak eta Oiartzungo alderdi politiko guztienak. [...]
Udalaren alegazio planteamenduarekin ez dator bat koalizioa, "ikaragarrizko hazkundea" suposatuko lukeelako.
Oiartzun Arriskuan lan taldeak alegazioak aurkeztuko ditu berriro; Udalak gauza bera egiteko eskatu du Pasaiako Kanpo Kaiaren Ingurumen Jasangarritasunaren Txostenak Lezo-Oiartzunen makroplataforma logistiko bat eraikitzeko proposamena jasotzen du, kaiaren azpiegitura osagarri gisa. Txosten hori 45 egunez jarri zuten jendaurrean pasa den abenduaren 4an. Lur eremua, 180 hektarea dituena, bat dator Donostialdea-Behe Bidasoako Lurralde Plan Partzialak (LZP edo PTP) aurreikusitakoarekin. Plataforma logistiko horren aurka, duela urtebete, ia 8.000 alegazio-idazki aurkeztu zituzten oiartzuarrek eta 40 entitate inguruk, udal talde politiko guztiek barne. Baina plataforma logistikoaren zein kanpo kaiaren izapideek aurrera jarraitzen dutela salatu du Oiartzun Arriskuan taldeak. Pasaiako Portuko Agintaritzaren IV. Eranskina. Pasaiako Portuan gune logistikoa ezartzeko azterketaren analisia dokumentuan (www.puertopasajes.net) jasotzen denez, azpiegitura hori, hasieran, Jaizkibelgo tuneletarako eta portuko lanetarako materialak biltzeko izango litzateke. Eta gero, portuko salgaiak uzteko eta jarduera logistikoetarako, geltoki intermodala barne. Oiartzungo aldean egin nahi dutena zehaztu du taldeak: «Funtzio Anitzeko Eremu Logistiko bat egin nahi dute, gutxi gorabehera 20 hektareakoa, eta Zerbitzuen Eremu bat lehen fase batean» (gainerako eremua Arizabalo eta Mendin arte zabaltzen da). Horretarako, zelaigune handi bat egin beharko litzateke Trapada mendian eta ingurunean, eta ondorioz, mendi hori desagertuko litzateke». Ondorioak Dokumentuak berak dio jarduketa horrek «ia erabateko eragina izango lukeela Oiartzungo Arau Subsidiarioetan, [...]
Donostialdeko Lurralde Zatikako Planaren (LZP) aurkako lantaldeak bilera egingo du bihar, 19:00etan udaletxean. Bileraren helburua egin dituzten ekimenen berri ematea eta gaur egun planari buruz dagoen informazioa ematea. Bileran, halaber, proiektu pro...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
