BAT-eko gazteak, Espainiako kluben arteko finalean
20 urtez azpiko gizonezkoen zein emakumezkoen taldeak Espainiako zortzi klub onenen lehian izango dira larunbat honetan, hilak 24, Madrilen.
Larunbata, hilak 24, egun historikoa izango da Super Amara BAT taldearentzat. Lehenengo aldiz, emakumezkoen zein gizonezkoen 20 urtez azpikoen taldeak Espainiako Kluben Txapelketako finalean izango dira, Madrilen.
Denboraldiaurreko lehenengo hitzordu garrantzitsua izango da larunbatekoa. Bidasoko atletismo taldearekin batera, estatuko beste zazpi talde onenak ariko dira. Gizonen taldea iazko bosgarren postua hobetzen ahaleginduko da; emakumeentzat, berriz, lehenengo aldia izango da finalean.
Bi finaletan honako talde hauen aurka lehiatuko dute Bidasoko atletek. Gizonezkoetan, acsa-Playas de Castellón, FC Barcelona, A.D. Marathon, Trops-Cueva de Nerja, Atletismo Albacete, Unicaja Jaen Paraiso Interior eta A.D. Sprint izango dituzte aurkari. Emakumezkoen finalean, berriz, Diputación Valencia C.A., Facsa – Playas de Castellón, Trops-Cueva de Nerja, A.D. Sprint, Sanysec – Club Ourense Atletismo, A.D. Marathon eta Alcampo Scorpio 71 taldeak izango dira.
Gizonezkoei dagokionez, bloke oso lehiakorra eramango dute Madrilera. Honako atleta hauek izango dira: Iker Piñeira, 100 metrotan; Mrkel Garrancho, 200 metrotan; Seckou Sissoko, 400 metrotan; Alai Cabello, 800 metrotan; Jon Casado, 1.500 metrotan; Lukas Cabezon, 3.000 metrotan; Jon Gajate, 1100 metro hesidunetan; Eñaut Arburua, 400 metro hesidunetan; Julen Mendoza, 2.000 metro oztopoetan; Iker Anaut, luzera jauzian; Asier Estevez, jauzi hirukoitzan; Markel Abecia, altueran; Julen Rodriguez de Yurre, pertikan; Rafa Caseau, pisuan; Pablo Garcia de Vicuña, diskoan; Xuban Yarza, xabalinan; Alain Oca, mailuan; eta, Pablo Salinas, 5.000 metro ibilketan. Erreleboetan ere presentzia edukiko du taldeak: 100 metroetan, Iker Piñeira, Jon Gajate, Eñaut Arburua eta Iker Anaut ariko dira; 400 metrotan, Seckou Sissoko, Hugo Vázquez, Alai Cabello eta Markel Garrancho.
Emakumezkoetan, BAT Girls taldean, Hai Duong Alzaga, 100 metrotan; Leire Martiarena, 200 metrotan; Irati Fernandez, 400 metrotan; Izaskun Sanz, 800 metrotan; Irune Mateo, 1.500 metrotan; Saioa Lopez, 3.000 metrotan; Eider Redondo, 100 metro hesidunetan; Alaine Agerralde, 400 metro hesidunetan; Naia Piquer, 2.000 metro oztopoetan; Noa Garcia luzera jauzian; Irati Gallego, jauzi hirukoitzan; Naia Llorente, altueran; Elsa de la Cruz, pertikan; Olatz Elizasu, pisuan; Arinette Ngole, diskoan; Noa Esteban, xabalinan; Carolina Gutierrez, mailuan; eta, Nara Pastor 5.000 metrotan, ariko dira. Bestalde, gizonezkoetan bezala, erreleboetarako bi talde eramango dituzte: 100 metrotakoan Laia Vasquez, Noa Garcia, Eider Martin eta Izaro Romero; eta 400 metrotakoan Alaine Agerralde, Leire Martiarena, Hai Duong Alzaga eta Izaskun Sanz.
