Txingudi Korrika dela eta, trafiko mozketak
Igande honetan, hilak 4, 10 kilometroko Txingudi Korrika egingo dute Irun, Hondarribia eta Hendaia artean; 09:25etik aurrera mozketak izango dira.
Igande honetan, hilak 4, 850 korrikalarik Irun, Hondarribia eta Hendaiako kaleak hartuko dituzte. 10 kilometroko lasterketak hainbat kaleetako trafikoan aldaketak eragingo ditu. Mozketak 09:25ean hasi eta 11:00etara arte iraungo dute; alegia, azken lasterkaria helmuga zeharkatu arte. Behin lasterketa amaituta, Igandero programan ohikoak diren mozketak mantenduko dituzte. Ordu tarte horretan, Hondarribia kalea, Kolon pasealekua, Gipuzkoa hiribidea eta Iparralde hiribidea moztuko dituzte.
Mendibil ondoko kaleetan ere aldaketak izango dira, eta inguruko egoiliarrek honako bidea hartzeko gomendioa egin dute: Eloy Iglesias, Nicolas Guerendiain, Juan Albisu, Zabaltza plaza eta Cipriano Larrañaga (azken bietan txandaka pasatu beharko dute). Irten Iparralde hiribiderantz irtengo dira, Cipriano Larrañaga, Argentinar Errepublika eta Maritxu Anatol kaleetatik eta Zabaltza plazatik. Gainera, Pikoketa eta Legia kaleetara sartzeko, Gipuzkoa hiribidean eta Luis Marianon barrena joan beharko da, kontrako norakoan, eta Joaquin Gamon eta Legia kaleetan eta kale Nagusian barrena.
Aparkalekuei dagokienez, Mendibil eta Kolon pasealekukoan aldaketak izango dira. San Juan plazako aparkalekuak ez ditu aldaketarik izango.
Irunbusek ere aldaketak izango ditu igande goizean, L1, L2 eta L4 lineetan. Aldaketak ohiko kanalen bidez jakinaraziko dira. Proba amaitzean, Igandero programan ohikoak diren mozketak mantenduko dira.
Txingudi Korrika Txikia
Igandean helduen txanda bada ere, larunbatean gazteen txanda izango da. 13 urte bitarteko haurren lasterketak egingo dituzte Stadium Gal futbol zelaiaren inguruan. Hori dela eta, 9:30etik 10:45era, egoiliarrek eta Santiagotarrakeko bazkideek soilik sarbidea edukiko dute. 10:45etik 12:00etara, berriz, sarbidea guztiz itxita egongo da.
