Etxebizitza turistikoek pertsonako 7,5 euroko zerga izango dute udan
Zerga turistikoak onartu dituzte udalbatzan. Urtarrilaren 1ean jarriko dira martxan, eta garestiena etxebizitza turistikoentzat izango da. Merkeena nekazalturismoentzat.
Turistek, Hondarribian egonaldiak egiteagatik zergak ordaindu beharko dituzte hurrengo urtetik aurrera. Hori bera onartu zuen atzo Hondarribiko Udalak, iraileko udalbatzan. Turismo ostatu gisa jarduten duten establezimendu guztiei eragingo die, hala nola hotelak, nekazalturismoak, kanpinak, pentsioak edota etxebizitza turistikoak. Zerga handiena etxebizitza turistikoentzat izango da, 7,5 eurokoa udan.
Bi zatitan banatuko dira zergak Udazkenean eta neguan baxuagoak izango dira, turisten kopurua ere txikiagoa da eta. Garai hau zehazki urriaren 16tik martxoaren 14ra luzatuko da. Beste garaiak udaberria eta uda ditu barne, prezio altuagoengatik, bisitari gehiago izaten dira eta. Martxoaren 15etik urriaren 15era izango dira prezio handienak. .
Hurrengoak dira jarritako zergak. Lehen zenbakia denboraldi baxuko zerga da, eta bigarrena uda eta udaberrikoa:
- 5 izarreko hotelak edo baliokidea 4,80 € eta 6,00 €
- 4 izarreko hotelak edo baliokidea 4,00 € eta 5,00 €
- 3 izarreko hotelak edo baliokidea 2,40 € eta 3,00 €
- 2 izarreko hotelak edo baliokidea 1,60 € eta 2,00 €
- 1 izarreko hotelak edo baliokidea 1,00 € eta 1,25 €
- Erabilera turistikoko etxebizitzak 6,00€ eta 7,50 €
- Apartamentu turistikoak 2,40€ eta 3,00 €
- Pentsioak, kanpinak, landetxeak, aterpetxeak 1,00 € eta 1,25 €
- Nekazalturismoak 0,60 € eta 0,75 €
- Beste ostatu turistiko batzuk 2,40 € eta 3,00 €
Udalak aurreikusten du 700.000 eta milioi bat euro artean bil daitezkeela urteko:”Turismoak herria sortzen duen eraginari aurre egin eta horrek dakartzan kostuei erantzuteko baliabideak indartuko dira horrekin”.
