685 eskaera onartu dira Presa I eraikinerako
211 eskaera bota dira atzera, hainbat arrazoi direla eta. Horiek, orain hilabete bateko epea izango dute Etxebiden errekurtsoa aurkezteko.
Etxebidek gaur iragarri du Biteriko Presa I etxebizitza eskuratzeko zein eskaera onartu diren eta zeintzuk baztertu. Hainbat eskaera atzean utzi behar izan dituzte, hainbat arrazoi direla eta. Gehien errepikatzen diren arrazoiak Errolda ez da egiaztatzen Hondarribiko udalerrian aginduak ezartzen duen denboran eta Diru-sarreren baldintza ez duzu egiaztatu araudiak ezartzen duen moduan izan dira. Errentamenduan esleitzeko 42 etxe dira prozesuak jasotzen dituenak, eta gaur ateratako datuei erreparatuz, 685 eskaera onartu ditu Etxebidek.
66 etxebizitza dira Presa I eraikinak eskaintzen dituenak, baina haietatik 24 Muliateko hezetasunek kaltetutako bizilagunei bideratuak izango dira behin behinean. Eskaera onartuen eta ezeztatuen zerrenda Etxebideko web orrian ikusi daiteke, edota bakoitzaren eskaeraren egoera begiratuz. Urriaren 16ra arte izango dute eskaera atzera bota zaienek haien errekurtsoa aurkezteko. 211 izan dira ezeztatuak.
PSE-EE izan da honi buruz mintzatu den lehen alderdia. Sozialistek albiste on moduan hartu dute gaurko iragarpena, argudiatuz etxebizitzaren afera oraindik lehen planoan dagoen arazoa dela Hondarribian.
