Pankarta bat jartzeagatik bi lagun atxilotu dituzte
Bart, istiluak izan dira Itsas Etxean; pankarta bat zabaltzen saiatu dira bi pertsona, eta Udaltzaingoa zein Ertzaintza gogor oldartu zaizkie.
Ertzaintzak bi gazte atxilotu ditu.Gedar Bart, istiluak izan dira Jai Nagusietan. Gedar hedabideak zabaldu duenez, Gazte Koordinadora Sozialistako (GKS) bi kide Itsas Etxearen teilatura igo ziren pankarta bat zabaltzeko asmoz. Udaltzaingoa bertaratu zen, eta gazteetako bat bere burua identifikatzeko prest jaisten ari zela, poliziek lurrera bortizki bota zuten. Egoera ikusita, inguruan zeuden gazteak hurbildu ziren kezkatuta. Udaltzaingoaren erantzuna bertan zeuden gazteak borraz erasotzea izan zen, eta Ertzaintzari laguntza eskatu.
Bigarren gaztea teilatutik jaistean, lanean ez zegoen ertzain batek esku hartu, eta gaztea lepotik heldu eta hormaren kontra ipini zuen. Udaltzaingoak eta Ertzaintzak “polizia dispositibo erraldoia” ezarri zutela adierazi zuten bertan zeudenek. “Gainera, istiluen aurkako ertzainek foam jaurtigaiak soinean zituztela, bertan zeuden pertsonak izutzen saiatu dira”.
Bestalde, lanean ez zegoen ertzainak probokazioekin jarraitu duela azaldu dute; eta Mugimendu Sozialistako txosnara hurbildu zen kontsumizioa eskatzera, me he enzarzado con un par a ver si os los llevais tambien esanez.
Poliziak atxilotutako bi kideak komisariara esku burdinekin eraman dituzte, eta Gedar hedabideak jakinarazi du goizaldeko 03:00ak arte ez dituztela aske utzi.
Gaur arratsalderako elkarretaratzea deitu dute, 19:30ean Martxoak 8 plazan. Atzoko erasoak salatzeko eta atxilotuei elkartasuna helarazteko, Poliziaren bortizkeriari eta inpunitateari aurre egin!.
Hemen Gedarrek instagram bidez zabaldutako bideoak.
