Datorren asteartean, gaztelekuak zabalik
2026-2027 ikasturtea hasteko jardueraz beteriko programazioa eskainiko dute Martindozenea eta Artiako gaztelekuetan.
Udako itxaronaldiaren ostean, Martindozenea eta Artiako gaztelekuek ateak berriro irekiko dituzte datorren asteartean, hilak 15. Bi gaztelekuetan jardueraz betetako iraila izango da: tailerrak, bideojoko txapelketa edota Olinpiaden eguna Artiako gaztelekuan, hilaren 23an. Ordutegiei dagokionez, iazko ordutegi bera mantenduko dute: asteartetik ostegunera 17:00etik 20:00era eta ostiral eta larunbatetan 17:00etik 21:00era. 15-18 guneak, berriz, urriaren 2an irekiko ditu ateak.
Bestalde, ate irekien bi jardunaldi egingo dituzte gaztelekuetan: hilaren 14an, Artiakoan; eta hilaren 21ean, Martindozenean. Bi egunotan, bi txanda antolatuko dituzte aurtengo programa eta hezitzaileak ezagutzeko: 17:30ean eta 19:30ean. Parte hartzeko izena eman beharko dute 681 94 67 98 telefonora deituta edota gazteleku_artia@irun. org helbidera mezua bidalita Artiakoan parte hartzeko; eta 690 70 64 71 edota gazteleku@irun.org Martindozeneakoan parte hartzeko.
