Josu Zabala omenduko dute Hondarribiko Udalak eta Egiari Zor fundazioak irailaren 5ean
Guardia Zibilak orain 50 urte hil zuen tiroz, 1976ko irailaren 8an, Alardearen ostean egindako amnistiaren aldeko manifestazioan.
Erail zutenetik, irailaren 8ro gogoan izan dute Josu Zabala Guardia Zibilak 1976ko irailaren 8ko Alardearen osteko manifestazioan hil zuen tiroz Josu Zabala Erasun. Manifestazioa Eduardo Moreno Bergareche Pertur-en desagertzea salatzeko eta amnistia eskatzeko egin zuten, baina Guardia Zibilak, San Pedro kalera bortizki sartu, eta errepresio gogorrez erantzun zuen.
Hain justu, San Pedro kalean omenduko dute Zabala Hondarribiko Udalak eta Egiari Zor fundazioak datorren larunbatean, hilak 5, 12:00etan. Oroimena denon ondarea lelopean, ekitaldira senideak, eragile sozialak eta bizilagunak elkartuko dira “Zabalaren oroimena eta memoria kolektiboa” omentzeko, udalak esan duenez.
Udalak aldarrikatu du memoria historikoa “ezinbesteko tresna” dela Giza Eskubideen defentsarako eta “balore demokratikoak eta bizitako historiaren ezagutza kritikoa” aditzera emateko.
