Udal euskaltegirako izena ematea, zabalik
Gaurtik hilaren 14ra bitarte, 2026-2027 ikasturterako izena emateko epea izango dute; ikastaro trinkoak eta ikasturte osokoak eskainiko dituzte.
Irungo Udal Euskaltegia. Gaurtik, hilak 1, 14ra bitarte udal euskaltegirako izena emateko epea izango dute. Aurten ere aurreko urteetako eskaintza bera izango dute ikasleek. Batetik, urritik abendura bitarteko ikastaro trinkoak; eta bestetik, ikasturte osorako ikastaroak. Izena ematea udal webgunearen bitartez egin beharko dute, eta bertan prezioen eta ordutegien informazioa edukiko dute.
Ikastaro trinkoen kasuan, urritik abendura izango dira, egunero lau orduko ikastaroekin. Hain zuzen, 09:00etatik 13:15era izango dira klaseak. Ikasturte osorako ikastaroek ordutegian eskaintza zabalagoa edukiko dute astelehenetik ostegunera, goiz zein arratsaldez.
Ikasturte honetarako Eusko Jaurlaritzak Euskara Bonua jarriko du abian, eta honela, 120 euro ordainduta, A1etik B1.1 mailarako lau urteren buruan gastatzeko ordu poltsa bat izateko aukera izango dute. Bestalde, trinkoen kasuan, LANNAHI egitasmoko onuradunek 20 euro ordaindu beharko dute txanda bakoitzeko. Horretarako, mailaketa proba egin beharko dute, 943 50 52 73 telefonora deitu hitzordua eskatzeko.
