Emigrazio eraikina herritarrentzat zabalik
Irailetik aurrera birgatutako eraikinean hainbat udal zerbitzu martxan jarriko dituzte: San Migelgo Auzo Elkartea, haurtxokoa eta adinekoentzako gunea.
Alejandro de la Sotak Jose Maria Iturriagarekin batera, Emigrazio eraikina proiektatu zuten 1964an. Ordutik, eraikina Irungo hiri-ondarearen pieza nabarmena izan da. Azken urteotan, eraikina birgaitu dute eta bihar birgaitutako eraikinaren ateak irekiko dituzte. San Migel auzoko beharrei erantzunez, bertan auzo elkartearen lokal berria prestatuko dute liburutegiarekin batera, baita haurtxokoa eta adinekoentzako gune bat ere. Birgaitze obren helburua Emigrazio eraikina auzotarren topagunea izatea da.
Bihartik aurrera martxan jarriko dituzte udal zerbitzuak; haurtxokoa izan ezik. Lokala prest egon arren, hiriko beste haurtxokoetan bezala, urrira arte itxaron beharko dute. Auzo elkarteak aste honetarako ate irekien jardunaldiak egingo ditu bihartik ostiralera bitarte auzoko bizilagunak ezagutzeko, 17:00etatik 19:30era. Adinekoen guneak ere bihar irekiko ditu ateak. Datorren ostiralean, irailak 11, Udazkenean gogoz jardunaldi berezia antolatuko du, eta bertan adinekoen programa aurkeztuko dute.
Birgaitze lanak urteotako lanak izan dira, eta urte hauetan guztietan Irungo Udalak kontu handiz zaindu du eraikina. Lanek jatorrizko eraikinaren berezitasunari eta izaerari eustea lortu dute, Irunviren bitartez. Emigrazio eraikinaren proeiktuak 2268 metro karratu ditu. Barrualdea birgaitzeaz gain, eraikinaren urbanizazio osagarri guztia birgaitu dute, kanpoko patio ireki baten proiekzioan gauzatu dena.
