Francisco Javier Garrido errioxarrak irabazi du aurtengo Adour-Bidasoa lehiaketa
Naiara Goikoetxea eta Nerea Iridoy hondaribiarrek ere sari bana jaso dute aurtengoan, epaimahaiarena eta artista gaztearena.
Francisco Javier Garrido Romanos-en La Higuera lana Irungo Udalaren pintura ondarearen parte izatera pasako da, Adour Bidasoa Pintura Lehieaketaren XXXV. edizioaren irabazlea izan baita. Nuria Alzaga lehen alkateorde eta Kultura ordezkariak eman du albistearen berri: “Hogeita hamabosgarren ediziora iristeak guztiz finkatuta dagoen lehiaketa batez hitz egiten du, baina, batez ere, bizirik dirauen eta oso jatorri desberdinetako begirada eta artista berriak erakartzeko gaitasunari eusten dion lehiaketa batez”, esan du. Egile errioxarrak La Higuera lana egin du.
Irabazleari eta gainerako partaide guztiei eskerrak eman dizkie ordezkariak: “35 edizioren ondoren, artista gazteen proposamenak jasotzen jarraitzea albiste ona da, eta lehiaketa hau zaintzen eta hazten jarraitzera animatzen gaitu”.
Aurten, orotara, 40 lan aurkeztu dira, eta honakoak izan dira sariak:
- Lehen saria: Francisco Javier Garrido Romanosen La Higuera (2.500 euro).
- Epaimahaiaren sari berezia: Naiara Goikoetxea Guzman hondarribiarraren Zintzilik lana (500 euro).
- Artista gaztearen saria: Nerea Iridoy Silvo hondarribiaren Petalo lana (500 euro).
- Diplomak: Emilio Martinez Navascues irundarra, Eduardo Larrasa Espino hondarribiarra eta Sofia Arostegi Parra hernaniarra.
Irailaren 11n izango da sari banaketa ekitaldia, Amaia KZn. Egun hartatik, lan gutxiekin osatutako erakusketa izango da ikusgai bertan. Urriaren 4ra arte izango da bertan, asteartetik larunbatera 18:00etatik 21:00etara eta igandeetan 11:30etik 13:30era.
