Autobus zerbitzu bereziak izango dira Hondarribiko Jai Nagusietan
Lurraldebusek eta hiri autobusak ohiko ordutegiak luzatuko dituzte. Lurraldebusek irailaren 3tik 11ra eskainiko ditu zerbitzu bereziak; hiri autobusak, berriz, irailaren 4, 5, 6, 8 eta 10ean.
Dominguez eta Enparan. Hondarribiko Jai Nagusietan Lurraldebus autobus zerbitzua indartzea adostu dute Hondarribiko Udalak eta Mugikorasuneko, Turismoko eta Lurralde Antolaketako Departamentuak. Zerbitzu bereziak eskainiko ditu Lurraldebusek irailaren 3tik 11ra. Gainera, hiri autobusaren eskaintza ere indartzea erabaki dutela jakinaraiz du Igor Enparan alkateak.
Alkateak “ezinbestekotzat” jo du horrelako egun berezietan garraio publikoaren eskaintza indartzea, “herritar guztiek izan dezaten beren joan-etorriak modu seguruan, erosoan eta eraginkorrean egiteko aukera”. Azahara Dominguez diputatuak, bestalde, gogorarazi du gaueko tarifa kendu ondoren, gauek zerbitzuek eguneko tarifak izango dituztela, “erabiltzaileek aurrezpen handia eraginez”.
Zerbitzu guztiak
Irailaren 3an (osteguna) eta 4an (ostirala) E78 lineak (Hondarribia-Irun) zerbitzu bereziak izango ditu, Hondarribitik 23:00etan eta Irundik 23:15 irteko dira. Irailaren 5, 6 eta 7ko gauean E27 lineak (Hondarribia-Donostia) ere zerbitzu berezi bat izango du, Hondarribitik 22:40ean irtengo dena. E77 lineak, gauekoak, Hondarribitik 23:00etan aterako da, eta 00:00etatik 6:00etara 30 minutuero autobus bat izango da. Donostiatik herrira, berriz, 23:30an eta 23:50ean aterako da, eta 00:50etik 6:50era 30 minutuero izango da autobus bat. Azkenik, E78 linea Hondarribitik 15 minuturo aterako da 23:15etik 6:30era bitartean (00:00etako eta 3:00etako irteerak izan ezik); Irundik, berriz, 15 minuturo aterako da 23:30etik 6:45era bitartean (00:15eko eta 3:15eko irteerak izan ezik).
Irailaren 7tik 8rako gauean,E27 lineak Hondarribitik 22:40ean eta Donostiatik 23:30ean izango ditu irteerak. E78 linea, berriz, Hondarribitik 23:00etan eta Irundik 23:15ean irtengo da.
Irailaren 8an, E78 lineak Irundik 5:30ean, 5:45ean eta 6:05ean izango ditu irteerak. Horrez gain, 16:00etatik aurrera, E25 linea (Hondarribia-Irun) indartu egingo dutela iragarri dute. Gauez, E27 lineak zerbitzu berezi bat izango du, Hondarribitik 22:40ean irtengo dena. E77 lineari dagokionez, Hondarribitik 23:00etan eta 00:00etatik 6:00etara ordu erdiro izango ditu irteerak; Donostiatik, berriz, 23:20an eta 23:50ean izango da autobus bat, eta 00:50etik 6:50era 30 minuturo errepikatuko da.
Irailaren 9tik 10erako gauean, E78 linearen zerbitzu berezi bat jarriko dute martxan, eta honako ordutegia izango du: Hondarribitik 23:00etan eta 23:30ean, eta Irundik 23:15ean eta 23:45ean aterako da.
Irailaren 10etik 11rako gauean, E27 lineak 22:40ean aterako da Donostiarantz. E77 lineak, berriz, noranzko horretan 23:00etan, 00:00etan, 1:00etan, 1:30ean, 2:00etan, 2:30ean, 3:00etan, 4:00etan, 4:30ean, 5:00etan eta 5:30ean emango du zerbitzu; Donostiatik, berriz, irteerak 23:20an, 23:50ean, 00:50ean, 1:50ean, 2:20an, 2:50ean, 3:20an, 3:50ean, 4:50ean, 5:20an, 5:50ean eta 6:20an izango dira. Gau horretan, E78 lineak Hondarribitik 23:00etan, 23:15ean, 23:30ean, 23:45ean, 00:15ean, 00:45ean, 1:15ean, 1:30ean, 1:45ean, 2:00etan, 2:15ean, 2:30ean, 2:45ean, 3:00etan, 3:15ean, 3:30ean, 3:45ean, 4:15ean, 4:45ean, 5:15ean eta 5:45ean izango ditu irteerak; Irundik, berriz, autobusak 23:15ean, 23:30ean, 23:45ean, 00:00etan, 00:30ean, 1:00etan, 1:30ean, 1:45ean, 2:00etan, 2:15ean, 2:30ean, 2:45ean, 3:00etan, 3:15ean, 3:30ean, 3:45ean, 4:00etan, 4:30ean, 5:00etan, 5:30ean eta 6:00etan izango dira.
Bukatzeko, irailaren 11tik 12rako gauean, E78 lineak zerbitzu bereziak eskainiko ditu herritik, 23:00etan eta 23:30ean, eta Irundik 23:15ean eta 23:45ean.
Hiri autobusa
Lurraldebusek egin bezala, alkateak jakinarazi du hhiri autobusak ere zerbitzu bereziak eskainiko dituela datozen jaietan. Irailaren 4, 5, 6, 8 eta 10ean gaueko zerbitzua izango du, 00:00etatik 6:00etara ordu erdiro (puntuan eta erdietan) izango ditu irteerak San Juan de Diosetik. Ohiko ibilbidea egingo du. Honekin batera, eskaripeko geldialdi zerbitzua ere eskainiko dute bidaia hauetan, emakumeek eta 18 urtetik beherakoek eskatu ahal izango dutena. Erabiltzaileak gidariari zuzenean jakinarazi beharko dio non jaitsi nahi duen, helmugara iritsi baino gutxienez geltoki bat lehenago.
Zerbitzu berezi hauek indartzeari esker, auzo guztietako bizilagunek jaietako joan-etorriak garraio publikoan egiteko aukera izango dutela gaineratu du Enparanek: “Horrelako egun berezietan, garraio publikoaren eskaintza indartzea ezinbestekoa da. Herritar guztiak garraio publikoa erabiltzera animati nahi ditut”
