Haur Danborradan parte hartu nahi?
Amute Auzo Elkarteak irailaren 7ko haur danborradan parte hartzeko izen ematea ireki du. Entseguak datorren astean izango dira.
Urtero bezala, Hondarribiko txikienek danbor hotsez beteko dute herria Jai Nagusietan. Jaien atarian, Amuteko Auzo Elkarteak jakinarazi du Haur Danborradan izena emateko aukera izango dela datozen egunetan. Irailaren 3an, eta 4an entseguak eigngo dituzte auzoko elakarteko lokalean, eta bertan apuntatzeko aukera izango dela jakinarazi dute auzotarrek.
Irailaren 3ko (osteguna) entsegua 18:00etatik 19:00etara izago da. Irailaren 4koa (ostirala da) ordu berean izango da, baina oraingo honetan danborren banaketa egingo dute.
Irailaren 7an (astelehena) helduko da une handia, 11:00etan abiatuko baita Haur Danborrada Mendelutik.
