Jaietan hiri autobusaren ordutegia luzatzea proposatu du EAJk
Irailaren 4tik 11ra zerbitzua luzatzea proposatu dute jeltzaleek. "gaueko ordutegia ere eskainiz eta eskaeraren araberako geldialdiak egiteko aukera aztertuz".
Jai Nagusietan hiri autobusaren zerbitzua indartu nahi du EAJk, ordutegia luzatzeko proposamena egin dio udalari. Irailaren 4tik 11ra zerbitzua luzatzea proposatu dute jeltzaleek. “gaueko ordutegia ere eskainiz eta eskaeraren araberako geldialdiak egiteko aukera aztertuz”.
Jaiak 7an hasiko badira ere, 4tik jada hainbat ekitaldi izango dira herrian, hortik dator aurreratzeko proposamena. “EAJren ustez, jaietako jarduera eta ekitaldiak gaueko ordutegian egiten diren egunetan garraio publikoaren aukerak zabaltzeak joan-etorriak erraztu eta etxerako itzulera erosoagoa eta seguruagoa izan dadin lagundu dezake, ibilgailu pribatuaren alternatiba ere eskainiz”, esan dute.
