Hilaren 24an hasiko dute Pasaia kalea berrurbanizatzeko fase berria
Udalak hiru astez lanak aurreratzea erabaki du. Azken asteotan egindako koordinazio eta plangintzari esker, antolaketa "berrikusi eta aurreratzea lortu" dela diote udaleko iturriek.
Hondarribiko Udalak jakinarazi berri duenez, hiru astez aurreratuko dituzte Pasaia kalea burrurbanizatzeko fase berriko lanak. Hala, hilaren 24an hasiko dute fase berri hori. Hasiera batean irailaren 14ra arte atzeratzekoak ziren lanak, baina azken asteotan egindako koordinazio eta plangintzari esker, antolaketa “berrikusi eta aurreratzea lortu” dela diote udaleko iturriek.
Udalak aipatu du egindako egokitzapen hauek eragin zuzena izango dutela inguruko bizilagunen egunerokoan, obrak iraun bitartean, inguruko garajeetarako sarbidea bermatuko baita txapa bidez, eta ondorioz, “hasiera batean aurreikusitako hiru asteko itxiera saihestuko da”.
“Obraren egutegia optimizatzea eta fase bakoitza ahalik eta modu eraginkorrenean geratzea da gure helburua, betiere obra batek ezinbestean dakartzan aldaketak eta aldi baterako eragozpenak ahalik eta modu egokienean kudeatuz. Lanen garapena herritarren eguneroko beharretara ahalik eta gehien egokitzen jarraituko dugu, lanen erritmoa eta bizilagunen irisgarritasuna uztartuz”, aipatu du Estitxu Urtizberea Hiri Antolamenduko zinegotziak.
Bide batez, udalak eskerrak eman dizkie herritarrei, eta bereziki inguru horretako garajeen erabiltzaileei, “obrek eragin ditzaketen eragozpenen aurrean erakutsiko ulermenagatik eta lankidetzagatik”.
