Lehia estua espero da biharko Grand Slameko gizonezkoen finalaurrekoetan
20:00etatik aurrera izango dira bi partidak. Hondarribiko jokalariak gogotsu eta finalerako txartela eskuratzeko prest dira.
Argazkia: Jai Alive. Hondarribiko Jostaldi pilotalekuak 2026ko Grand Slamaren barruko gizonezkoen finalaurrekoak jasoko ditu bihar (ostirala, hilak 21). Bi partida izango dira 20:00etatik aurrera. Lehen finalaurrekoan Hormaetxea eta Aratzek osatutako bikoteak Bixenete eta Ekhi izango dituzte aurrez aurre. Bigarrenean, berriz, Txanika eta Bailo Benetrix eta Oierdiren kontra ariko dira.
Hondarribiako zesta puntistak gogotsu eta prest dira biharko lehiarako. Bixenetek aitortu “partida zaila” izango dela, aurrean izango duten bikotea “oso konpletua” baita bere ustez. Fisikoan baino, biharko zailtasun handiena estrategian izango dela dio.
Haren bikote Ekhik ere aitortu du partida gogorra izango dela: “Dena eman beharko dugu, izerdi asko bota. Bixenterekin kimika oso ona dut, eta finalerako txartela lortzeko dena emango dugu”.
Bailok aitortu du aurkariei “partida luze eta landua” emango dietela berak eta Txanikak. “Partida zaila izango da, baina azken garaipenak konfiantza eman digu”.
Oierdik aitortu du Benetrixekin jokatzea “oso gustuko” duela. “Beraiek oso teknikoak dira baina garrantzitsuena pilota ateratzea eta menderatzea izango da”.
Sarrerak 10 euroan eskura daitezke jada, lotura honetan, Arma PLazan edota pilotalekuan bertan.
