Arraun liga guztietan bina estropada asteburuan
Euskotren eta Eusko Label ligetako larunbateko lehiak Oarso Bidasotik hurbil jokatuko dira, Donostian.
Hondarribiko gizonen A trainerua, joan den asteburuan Castron lehian.Facebook / Hondarribia Arraun Elkartea Iristear den asteburuan traineruen liga guztietan bina estropada izango dira. Asteburu beteena izango da, hainbeste lehia izango diren aste bukaerarik ez da egutegian. Beraz, arraunaren zaleek, kolore batekoak edo bestekoak izan, asko gozatzeko aukera izango dute.
KAE1, KAE2 eta ETEko estropadak Bizkaia, Kantabria eta Zumaia artean banatuko dira. Euskotren eta Eusko Labelekoak, berriz, Donostia (larunbatean) eta Getxo artean (igandean). Oarso Bidasoko traineruek puntuak pilatzen jarraitzeko aukera paregabea dute, beraz.
Honakoak dira, ligen araberako zerrendatzearekin, asteburuko estropadak:
KAE2 Liga (ez da Oarsoaldeko eta Hondarribiko trainerurik)
- Hilak 25, larunbata. 11:00etatik, Sestaoko bandera.
- Hilak 26, igandea. 11:30etik, Laredoko bandera.
KAE1 Liga (San Pedro, Hondarribia B eta Hibaika daude bertan).
- Hilak 25, larunbata. 12:30etik, Sestaoko bandera.
- Hilak 26, igandea. 12:00etatik, Zumaiako bandera.
ETE Liga (Hondarribia dago bertan)
- Hilak 25, larunbata. 11:45etik, Sestaoko bandera.
- Hilak 26, igandea. 11:00etatik, Zumaiako bandera.
Eusko Label Liga (Hondarribia eta San Juan daude bertan).
- Hilak 25, larunbata. 18:15etik, Donostian, Fabrika Bandera.
- Hilak 26, igandea. 12:20etik, Getxoko Ikurrina.
Euskotren Liga (San Juan eta Hibaika daude bertan)
- Hilak 25, larunbata. 17:25etik, Donostian, Fabrika Bandera.
- Hilak 26, igandea. 12:20etik, Getxoko Ikurrina.
