Skabidean, Neomak, Latzen edota Janus Lester, jaietako kontzertuetan
Irailaren 4an hasiko dira kontzertuak, eta azkena 11n izango da. Oraindik ez daude kontzertu guztiak itxitak, udalak adierazi duenez.
Iragarri dituzte Hondarribiko Jaietako kontzertuak. Ez denak, udalak adierazi duenez denbora aurrera joan ahala, gehiago iragarriko dira eta. Popa, rocka, musika elektronikoa, erromeriak… aukera anitza izango da bai Bentako oholtzan baina baita ere herriko beste puntu batzuetan.
“Jai Nagusietako egitaraua herriarekin eta herriarentzat eraikitzen dugu. Horregatik, kultur eragileekin elkarlanean aritu gara, belaunaldi eta publiko guztiei zuzendutako egitaraua osatzeko. Gure herriko taldeak izango ditugu, baina, horrekin batera, Euskal Herriko, Estatuko eta nazioarteko artista esanguratsuak ere igoko dira oholtzara. Jaiak kultur topagune eta bizipen partekatu bihurtzea da gure asmoa”, azaldu du Ortzi Alonso Kultur zinegotziak.
Herriko bi talde sartu dira programazioan: Pramoundras eta Zker Band Elektrotxaranga, biak Psilocybe Musika Elkartean sortuak. Psilocybe izango da jaietako lehen kontzertuaren antolatzailea, udalarekin batera. Besteak, udalaren esku doaz. Hona hemen oraingoz zabaldutako kontzertuak:
- Irailak 4: Skabidean eta Paramoundras (Psilocyberen eskutik).
- Irailak 5: Amparanoia eta Ke Te Kalles.
- Irailak 6: Janus Lester eta Dj Siwanaba
- Irailak 8: Cuatro pesos de propina.
- Irailak 9: Me vale madre (Arma Plaza).
- Irailak 9: Latzen (Benta).
- Irailak 10: Neomak eta Trikizio.
- Irailak 10: Zker Band Elektrotxaranga (Portua auzoa).
- Irailak 10: Colectivo Maleza (Kasino Zaharra).
