Australiatik Mendeluraino, Psilocyben haien musika eskaintzeko
Public House australiarrak izango dira bihar areto arroxan, Barrrk bizkaitarrekin batera.
Public House taldea. Psilocybek urria aldera hasten ditu bere kontzertuak, eta ekainean amaitu. Azkeneko urteetan, aldiz, udarako kontzertuei gustua hartu diete, eta urtean bat egiten dute. Bihar izango da uda hontako kontzertua, Irungo Bloody Mary disko dendarekin batera antolatutakoa. Public House talde australiarra izango da gaueko izarra, baina haien alboan, oholtzan Barrrk bizkaitarrak izango dira.
“Public House etorkizun handiko Melbourneko punk taldea dugu, 2023an Wolfgang Buckleyk (Stiff Richards) eta James McClurgek osatua. Taldeak geletan maketak grabatzetik Melbourneko eta Europako eszenatokiak konkistatzera pasa zen berehala, energiaz beteriko emanaldiei esker entzulego fidela bereganatuz”, azaldu du Psilocybek. Antolatzaileen ustez, talde australiarrak “energia gordinaren nahasketa leherkorra eta riff harrigarriak” eskaintzen ditu: “iragana eta etorkizunaren erdibidean dagoen soinu lehergarria, ordea. Bere estreinako diskoarekin, Public House prest dago Europara inoizbaino handiago eta hobeto itzultzeko”.
Barrrk estreinako dago azken urtean. Iaz argitaratu zuten haien lehen EPa. “Dudik Gabe Euskal Herriko musika eszenan ezusteko atsegina izan zena. Emakumezko abeslaria buru, konposizio fresko eta zuzenak euskaraz, gaztelaniaz eta ingelesez, postpunkaren eta poprockaren arteko soinua eta, batez ere, guztiontzako dibertsioa zuzenean”, adierazi du musika elkarteak.
Sarrera 18 eurokoa izango da leihatilan.
Public House:
Barrrk:
