Irun eta Merida lotzen dituen erakusketa inauguratu dute
Maskarak izango dira datozen hilabeteetako Oiasso Museoko protagonistak; 'Ars Fatum - Mintzatzen diren personak' erakusketa irailaren 27ra arte zabalik egongo da.
Dies Oiassonis jaialdiarekin bat eginez, gaur inauguratu dute Ars Fatum – Mintzatzen diren pertsonak erakusketa. Irailaren 27ra arte, Meridako Antzerki Klasikoaren Nazioarteko Jaialdiaren maskara pertsonalizatuak egongo dira ikusgai Oiasso Museoan. Zeramika bilduma honek diseinua eta artisautza uztartzeaz gain, Irun eta Meridaren arteko elkarlanaren harremana indartuko du. Aurkezpenean gogorarazi dute astelehenean, hilak 20, Oiasso Musoearen 20. urteurrenaren ekitaldia izango dela.
Aurkezpenean, Aizpea Goenaga, Oiasso Museoko zuzendaria; Jesus Cimarro, Meridako Antzerki Klasikoaren Nazioarteko Jaialdiko zuzendaria; Cristina Laborda, Irungo alkatea; eta, Antonio Rodriguez, Meridako alkatea izan dira.
Erakusketa honek ibilbide luzea du, eta urteotan pilatutako arrakasta handia izan da. Besteak beste, Sofia Erreginaren Arte Zentroaren Museo Nazionalean saldu da. Aurkezpenean aipatu duten bezala, erakusketa honen lorpen handiena Meridako Antzerki Klasikoaren Jaialdiarekin zazpi urtez izan duen lotura da.
Erakusketan hamabost venusen bilduma osoa ikusteko aukera izango dute bisitariek , dagozkien xaflekin. Gainera, edizio bereziko zazpi venusak ere Oiasso Museoan izango dira. Asteartetik larunbatera, 10:00etatik 20:00etara zabalik egongo da; igandeetan, 10:00etatik 14:00etara.
“Oiasso Museoa urte hauetan zehar zerbaitegatik ezaugarritu bada, erakundeekin, profesionalekin, beste hiri batzuekin eta ondarea eta kultura ulertzeko modu bera partekatzen duten pertsonekin aliantzak eraikitzeko duen gaitasunagatik izan da. Lotura esanguratsuena Meridarekin mantentzen duguna da”, adierazi du Labordak.
