San Jose Obrero futbol zelaia eraberritu dute
Futbol zelaiko kirol ekipamendua berritu dute eta belar artifizial berria jarri dute, guztira 439.000 euroko aurrekontua izan du.
2025-2026 denboraldia amaitu eta berehala, San Jose Obrero futbol zelaia berritzen hasi ziren. Herritarrek futbol zelaiko belar artifiziala aldatzeko eskaera egin zuten, kautxua eta kirol ekipamendua nahiko hondatuta baitzeuden. Bi hilabeteko lanen ondoren, belar artifiziala eta kirol ekipamenduak berritu dituzte. Eraberritze lanek 439.000 euroko aurrekontua izan dute.
Egungo futbol zelaiak 40 milimetroko belar artifizialez osatutako sistema berria izango du. Gainera, aurretik zegoen arauzko futbol zelaiaren eta futbol 7ko bi zelaien markak txuriz eta horiz markatu dituzte. Azalera seguruagoa eta uniformeagoa izan dadin, silizezko harea eta kautxuzko pikortatua zabaldu dute. Zelaian berrikuntzak egiteaz gain, alboko sareak eta bestelako elementu osagarriak ere aldatu dituzte.
Obrak amaituta, Sandra Caballero Kirol ordezkariak eta Gorka Alvarez Obrak, Mantentzea eta Azpiegituren ordezkariak eraberritutako futbol zelaia bisitatu dute. “San Jose Obreroko zelaia aldatzeko beharra ikusten genuen erabiltzaileen segurtasuna bermatzeko”, adierazi du Alvarezek. Caballerok ere Alvarezekin bat egin du: “Ziur nago egunerokoan nabarituko den hobekuntza izango dela, kirolaren sustapena hirian, irisgarri, inklusibo eta segurua bihurtuz”.
Denboraldian zehar San Marcial eta Dunboa-Eguzki futbol taldeko 400 gaztek erabiltzen dute Larreaundi auzoko futbol zelaia. Gainera, maiatzean Irunen jokatutako OCRko Europako Txapelketaren egoitza nagusia izan zen futbol zelaia. Obrak amaituta instalazio berriak prest daude berriki hasiko den denboraldiaurrerako.
