Udalak gautxori zerbitzuko gaueko tarifa kentzea aztertuko du
Gipuzkoako Foru Aldundiak Lurraldebuseko gaueko tarifak kendu ditu, eta neurri horrekin bat egitea aztertuko du udalak.
Aste honetan, Gipuzkoako Foru Aldundiak Lurraldebus zerbitzuaren gaueko tarifak kenduko dituela iragarri du. Bide beretik jarraituz, Irunbuseko Gautxorien gaueko tarifak kentzea aztertzen ari da Irungo Udala. Horrela, gaueko bidaiek eta egunekoek prezioa bera edukiko dute, herritarrentzat irisgarriagoa eta eskuragarriagoa den garraio publikoa erraztuz.
Irunbusek Gautxoriren bi zerbitzu ditu larunbatetan eta jai bezperetan 23:00etatik 06:00tara: G1 zerbitzuak Fermin Calbeton kalea eta Zaisa lotzen dituena, eta G2 Fermin Calbeton kalearen eta Katea auzoaren artekoa. Bi zerbitzu hauek orduroko irteerak dituzte, eta segurtasuna handitzeko eskaripeko geldialdi zerbitzua eskaintzen dute.
Sergio Javier Mugikortasun Jasangarriko ordezkariak: “Gaueko tarifa kentzeak mugikortasun jasangarria bultzatzeko eta Irunbuseko zerbitzua etengabe hobetzeko udal-estrategiaren barruan dago. Horrela, Udalak garraio publikoaren erabilera sustatzen jarraitzeko apustuarekin jarraitzen du, herritarren egunerokotasuna erraztuko duten hobekuntzak eskainiz”.
