Eusko Jaurlaritzak baimena eman du Ondartza futbol zelaiko belarra aldatzeko
EAJk adierazi du orain Hondarribiko Udalaren txanda dela, eta 2019. urtean egindako proiektua eguneratu behar dela.
Eusko Jaurlaritzak baimena eman dio Hondarribiko Udalari Ondartza futbol zelaiko belarra aldatzeko. Aspalditik eskatu izan du Hondarribia Futbol Elkarteak belar artifiziala haien zelaian, eta orain arte zailtasunak handiak izan dira, ez baitzegoen Eusko Jaurlaritzaren esku baimena ematea. Baina Madrilen egindako kudeaketak direla eta, orain Jaurlaritzaren eskumena da.
Hondarribiko EAJk argi dauka: orain ekin behar da, eta Hondarribiko Udalaren txanda da. 2019. urtean egin zen belarra aldatzeko proiektua, eta EAJk adierazi du hori bera aldatzeko eta eguneratzeko proposamena egin ziola udal gobernuari.
