Xakea, inklusiorako
Hondarribia Marlaxka Xake Kluba eta Gautenak xake hastapeneko tailerra antolatu dute hiru egunez. Xake hastapeneko tailerra izan da.
Gautenan egin du tailerra Marlaxkak aste honetan.Hondarribia Marlaxka Xake Kluba Mahai jokoa edo kirola izatetik harago, xakea ikaskuntza, garapen pertsonala, harremanak eta inklusioa sustatzeko tresna dela agerian utzi dute Hondarribia Marlaxka Xake Klubak eta Gautenak. Bi eragile horiek, elkarlanean, tailerra egin dute pasa den astelehen, asteazken eta ostiralean Gautenak Donostiako Zelaia Plazan duen egoitzan.
Xakearen hastapena landu dute parte hartu duten hamabi lagunek, oinarrizko ezagutza, “aldi berean kontzentrazioa, txandak errespetatzea, harremantzea, eta erronka berriei aurre egiteko konfiantza bezalako trebetasunak landu dituzte parte hartzaileek”. Bakoitzaren erritmoa aintzat hartuta aritu direla gaineratu dute Marlaxkakoek, “giro hurbil, seguru eta inklusiboan”.
Tailerra Goio Uriarte Hondarribia Marlaxka Xake Klubeko Xake Eskolako koordinatzaileak gidatu du bertako terapeutek eta Xake elkarteko Jon Diaz jokalariak lagunduta. Marlaxkatik nabarmen jarri dute esperientziak erakutsi duela xakea mahai jolas edo kirol bat izatetik harago doala, “ikaksuntza, garapen pertsonala, harremanak eta inklusioa sustatzeko balio handiko tresna dela agerian utzi du”.
Hondarribiko xake elkarteak urte luzeak daramatza xakea sustatzen Bidasoaldean: “Lehiaketaz eta prestakuntzaz harago, xakea hezkuntzarako, balioen transmisiorako eta gizarte inklusiorako tresna gisa ulertzen dugu”. Bukatzeko, eskerrak eman dizkio klubak Gautenari “proiektuan jarri duen konfiantzarengatik”, eta etorkizunean antzeko iniziatiba berriak elkarrekin garatzeko naia adierazi du”.
