Izurde bat agertu da Hondarribiko Kai Berrian
Herritarren artean zabaldutako bideo batek erakutsi du izurde baten presentzia Kai Berrian. Kostaldean ugari ikusten dira, baina portu barruan ez da ohikoa.
Bideo eder bat zabaldu da hondarribiarren mugikorren artean. Izurde bat agertu da Kai Berrian, ustez, gaur, 09:07ean. Ohikoa da izurdeak Jaizkibel alboan, badian edota Bidasoa ibaiaren azken uretan ikustea, baina ez hainbeste Kai Berrian. 2022a ere, hondartzan agertu zen izurde talde bat. 2024ean bale bat grabatu zuen hondarribiar batek Kai Berri kanpoaldean, bela elkartearen eremuan. Irailean ere, herria jai giroan zegoen bitartean, marrazo urdin bat agertu zen portu barnean.
Izurdeak kostatik hain gertu, eta gizakiak sortutako eremuetara sartzea gauza ona eta txarra izan daiteke. Kostaldearen biodibertsitatearen adibide argia da hurbileko uretan ikustea, bertara hurbiltzen direlako elikagaia bila. Alde txarra animaliaren egoera izan daiteke, desorientazioak berak bideratu ditzake eta horrelako eremuetara.
