Hondartzako Errugbi txapelketaren edizio berria aurkeztu dute
Datorren ostegunean, hilak 11, plakajerik gabeko errugbia izango da Hondarribiko hondartzan, 10:00etatik 15:00etara.
Txingudi Errugbi Klubak Hondartzako Errugbiaren txapelketa antolatuko du datorren ostegunean, hilak 11, Hondarribiko hondartzan. Udako hitzordu klasikoa da, eta 10:00etatik 15:00etara plakajerik gabeko errugbi partida ugari jokatuko dituzte. Goizean zehar, jana eta edana ez da faltako hondartzan jarriko duten barran. Errugbi zaleek Ruck ‘n Roll markaren artikuluak erosteko aukera izango dute. Taldeen izen ematea oraindik zabalik dago Txingudi Errugbi Klubaren webgunean.
Txapelketako partidez gain, Hernani Errugbi Taldeak errugbi inklusiboko erakustaldia egingo dute beste urte batez.
Bestalde, gaurtik hilaren 24ra bitarte udalekuak egingo dituzte izena eman dute 6 eta 14 urte bitarteko 100 haurrek. Errugbia ezagutzeko hamaika modu landuko dituzte hilabetean zehar, hala nola, jolasen edota eskualdeko hainbat txokotan antolatutako jarduera berezien bitartez. Aurtengo berritasun Errugbiaren abentura komikia izango da, eta udalekuetako partaide bakoitzak komiki bana jasoko du. Komikian errugbiaren balioak eta arauak modu dibertigarrian azalduko dituzte komikia ondu duten klubeko partaideek.
