Kemen Dantza Taldeak hasiera eman die aurtengo sanmartzialei
Urtero legez, sua piztu baino lehen aurreskua dantzatu dute San Juan plazan. Aurtengoa, formatu txikiagoan egin dute tenperatura altuengatik.
Beroa izan da San Joan bezperaren protagonista nagusia. Urtero legez, sua piztu baino lehen Kemen Dantza Taldeko dantzariek aurreskua dantzatu dute San Juan plazan. Aurtengoa tenperatura altuengatik ohi baino txikiagoa izan arren, herritar ugari bildu dira jaien hasiera ofizialaren ekitaldia gertutik ikusteko. San Martzial Jaien baitan antolatuko dituzten jardueren egitaraua, hemen.
20:45ean, txistularien laguntzarekin Kemeneko dantzariek plaza hartu dute, eta euskal dantza ugari dantzatu dituzte udalbatzako kideen begiradapean, Cristina Laborda alkatea buru zutela. 21:30ean, jaiei hasiera ofiziala eman diete udaletxeko balkoitik. Aurtengo pregoilaria Itziar Bergara izan da, Biogipuzkoako zuzendari zientifiko irundarra.
HITZA Kemen Dantza Taldearen aurreskuan izan da.
