San Joan bezperako sua, tamaina txikiagoan
Suaren piztea 21:45ean izango da. Tenperatura altuak direla eta, suak egitea debekatuta egongo da, aldez aurretik baimendutakoak izan ezik.
Beroa azken egunetako protagonista izaten ari da. Tenperatura altuak direla eta, alerta laranja ezarria dago gaurko. Horrek aldaketak ekarri ditu jaien egitarauan. Hala nola, San Joan bezperako sua tamaina txikiagoan egingo dutela iragarri zuten atzo arratsaldean. Suaren piztea 21:45ean izango da San Juan plazan, 21:30etan jaien hasiera ofiziala egin ondoren. “Hartutako erabakiak egoeraren eboluzioan eta une bakoitzean eskuragarri dagoen informazioan oinarrituta egiten ari gara”.
Era berean, udalak herritarrei gogorarazi die aldez aurretik baimendutakoak izan ezik, suak egitea debekatuta dagoela. Horiek Udaltzaingoa eta Babes Zibilarengatik ikuskatuta izango dira. Suaren ondoren, gauerako aurreikusitako Correfoc txinparta kalejira egingo dute Santiagoko Deabruek Eliza karrikatik hasita. Beroa dela eta, parte hartzerik gabe izango da aurtengoa.
Alerta egoeragatik sortu daitezkeen aldaketak direla eta, udalak krisi mahaia aktibatu du, eta egoera ebaluatzen eta behar diren neurriak hartzen jarraituko du.
