Alerta gorria dela eta, aldaketak jai egitarauan
Gaur Landetxan egitekoak ziren haurrentzako jolasak eta haurrentzako puzgarriak bertan behera geratu dira; bestelako jarduerak ere lekualdatu dituzte.
Tenperatura altuak direla eta, alerta gorria iragarri dute gaurko, hilak 22, Euskal Herrian. Horrek eraginak izango ditu Irunen, besteak beste, sanmartzialetako egitarauan hainbat aldaketa egitera behartu dituzte. Tenperatura altuengatik jarduera batzuk bertan behera utzi behar izan dituzte.
Zehazki, Landetxan egitekoak diren haurrentzako jolasak eta puzgarriak zein haurrentzako atrakzioak bertan behera utzi dituzte. Beste alde batetik, arratsaldean kulturarteko jarduerak, antzara jokoa eta kometen fabrikazioa Urdanibia plazan iragarrita zeuden, baina alerta gorria dela eta, CBAra lekualdatu dituzte. CBA hiriko babes klimatikoen sareko guneetako bat da. Babesguneen informazio gehiago hemen aurkitu daiteke.
Udalak jakinarazi du etengabeko jarraipena egingo. zaiola eguraldi iragarpenen bilakaerari eta alerta egoerei. Gerta daitezkeen aldaketa guztiak garaiz jakinaraziko dituzte ohiko informazio kanalen bidez.
