Xabier Garagarza Roteta, Udaltzaingoaren komisario berria
Udaltzaingoaren berregituraketaren planaren emaitza da; Garagarzarekin batera, Francisco Javier Ortiz komisariordea izango da.
Irungo Udaltzaingoa berregituraketa prozesu betean dago egun. Aginte egitura indartzeko eta hiriaren erronkei hobeto erantzuteko gaur Komisario Buru berria izendatu dute: Xabier Garagarza Roteta. Izendapena barne egituraketaren emaitza da. Honela, EAEko Polizia Legea beteko du Irunek. Lege honen arabera, 50.000 biztanle baino gehiagoko udalerriek Udaltzaingoaren burutza-karguak eduki behar dituzte.
Prozesua iazko urrian hasi zen, Komisario Buru eta Komisariorde izateko lanpostuen zerrenden deialdi publikoa egitean. Gaurtik aurrera, Irunek Komisario Buru berria izango du, baita Komisariorde. Garagarzarekin batera, Francisco Javier Ortiz izango da Komisariorde lanetan.
Garagarzak esperientzia handia du, Eusko Jaurlaritzaren Segurtasun Sailarekin alor estrategikoetan aritu izan da hainbat urtez. Baita, segurtasunari buruzko hitzaldiak ematen eta protokoloak idazten ere. “Inguruneko errealitatea ezagutzen duen profesionala da, eta Irungo Udaltzaingoaren eguneroko zereginaren eta etorkizuneko erronken parte diren arloetan ezagutza zabala du. Ziur nago biek profesionaltasunez eta zerbitzu publikorako bokazioarekin beteko dutela erantzukizun hori”, azaldu du Cristina Laborda alkateak.
