Musika eta irudia uztartuz itzaliko du lehen kandela Papillon Zineklubak
Zineklubaren lehen urteurrena ospatzeko, Bidasoko hainbat bideoklip proiektatuko dituzte igandean Polborinean, eta haien sortzaileak ere bertan izango dira.
Polborina. Urte bat pasa da jada Papillon Zinekluba osatu zutenetik. Polborinean ezartzen den zineklubak urte guztia eman du era guztietako filmak, dokumentalak eta film laburrak proiektatzen, eta orain, urteurrena ospatzeko, beste leiho bat irekiko dute: bideoklipak. Musikaren eguna da, eta hortik tiraka, Bidasoko bideoklipgile batzuk elkartuko dituzte. Bidasoklip izena jarri diote saio bereziari, eta 18:30ean hasiko da.
Bertaratutakoei bideoklipak erakutsiko dizkiete, baina hori ez ezik, bideoklipak egin dituzten pertsonak ere bertan izango dira, haien lanetaz hitz egiten. “Bikoiztasun hori baliatu nahi izan dugu, musika eta irudia. Proposamen bikoitza da igandekoa.
Hurrengo bideoklipak eta haien zuzendariak izango dira igandean:
- Andoni Gallego (Kortatu)
- Joseba Ponce (Galder)
- Ainara Legardon
- Jose Mari Zabala eta Telmo Basterretxea (Txavvo)
- Laura Gallego (Iiingles)
- Andres Robleda (Nexas)
- Maina (Mainahi)
- Andres Robleda (Onavibe)
- Julen (Acto Messie)
Tokiko sortzaileak nabarmendu nahi izan ditu zine klubak egitasmo honen bidez, erakutsiz, Bidasoan ere badagoela talentua, eta zuzendari apartak aurki daitezkeela. Sarrera librea izango da.
