Bidasoaldea HHI ikastetxeak kurtso amaierako jaia egin du
Olinpiadak, herri kirolak, jolasak, bazkaria, bingoa eta karaokea antolatu dituzte 2025-2026 ikasturteari amaiera ezin hobea emateko.
Bidasoaldea HHIko ikasleek zein irakasleek amaitu dute 2025-2026 ikasturtea, eta hura ospatzeko jaia antolatu zuten atzo, hilak 18. Goizetik hasita, jarduera ugari antolatu zituzten giro paregabean agur esateko. Olinpiadak, herri kirolak eta bestelako jolas parte hartzaileak egin zituzten euren instalazioen barruan eguna indartsu hartzeko.
Momentu hunkigarriena diploma banaketaren unea izan zen. Zuzendariak ikasturtean zehar ikasleek egindako merituak azpimarratu zituen, familia, lana eta ikasketak bateratzeagatik. DBH titulua lortu dutenen izenak ozenki esan ditueta banan-banan diplomak banatu. Ohorezko matrikula Carolina Orejuelak eskuratu du, lehen aldia da EPAko ikasle batek eskuratzen duela.
Dena ez zen kirola izan, bingoa eta karaokea ere egin baitzuten. Jaialdiari amaiera emateko kulturarteko bazkaria antolatu zuten, aniztasuna eta elkarbizitza mahai baten bueltan ospatzeko.
