Sarako kontrabandisten lasterketarako izen ematea irekiko da laister
Uztailaren 1etik 15era izango dute interesdunek izena emateko epea zabalik. Lasterketa abuztuaren 30ean izango da.
Lasterketaren argazki bat, Erran.eus atariak igotakoa. Bidasoa ibaia gauez zeharkatzen zutenen omenez sortu zuten Berako kontrabandisten lasterketak, zehazki, kontrabandisten omenez. Muga oso gertu izan dute Bidasoa ibaiaren inguruko herriek, eta horrek estraperloari bideak ireki zizkion. Horregatik, gaur egun, Bortzirietako, Baztango, Lapurdiko eta Behe Bidasoko hainbat herrik Berako kontrabandisten lasterketan parte hartzen dute. Binakako lasterketa da, eta bikote bakoitzak herri bat ordezkatzen du. Aurten, abuztuaren 30ean izango da lasterketa, 18:00etatik aurrera.
Iaz, Xabier eta Mikel Etxarte anaiek egin zuten lasterketa Hondarribitarren ordezkaritzapean, eta duela bi urte Martin Fagoagak eta Iker de La Lindek gauzatu zuten. Azken horiek, bigarren gelditu ziren, Fagoaga izanik lasterketako garailea. Aurten, beste bikote bat bilatuko du Hondarribiko Udalak, Berara joan eta Bidasoko herria ordezkatzeko. Kontrabandistek erabiltzen zuten moduan, galtza luzeekin egin behar da lasterketa, eta kamixeta zuria gainean dutela. Horrez gain, zortzi kiloko zaku bat eraman behar dute korrikalariek, lehenengo zatian eta amaieran, mendiko zatia gabe izanik.
63. aldiz egingo dute lasterketa,. Iaz, hurrengo herriak izan ziren gonbidatuak: Ainhoa, Azkaine, Baigorri, Ezpeleta, Donibane Garazi, Hendaia, Sara, Senpere, Urruña, Biriatu, Bera, Elizondo, Etxalar, Hondarribia, Irun, Lesaka, Urdazubi, Luzaide, Igantzi eta Zugarramurdi. 8,4 km-ko itzulia Sarako plazatik hasten da (77 m-ko goratasunean) ondotik korrikalariak Zazpi Fagora doazte (522 m-ko goratasunean) berriz Sarako plaza izanen den helmugara iristeko.
