Kontsumo arduratsua sustatzeko prebentzio kanpainak jarriko dituzte martxan
Sanmartzialetan alkohola eta droga kontsumo arduratsua bermatzeko udalak programa ibiltaria martxan jarriko du datozen egunotan.
Irungo Udalak sanmartzialetan abian jarriko dituen prebentzio kanpainak aurkeztu ditu. Kanpaina hauek alkohola eta droga kontsumo arduratsua bermatzeko baliagarriak izango dira, eta datozen egunetan hiriko hainbat txokotan izango dira. Jende ugari bilduko den espazioetan izango da programa, hala nola, Ficobako herri bazkarian, Urdanibia plazan edota ostalaritza establezimenduetan.
Prebentziozko jarduera hauek hiritar guztientzat zuzenduta dago, bereziki, gazteentzat. Etzi, hilak 20 larunbatarekin, arratsalde eta gauean gazteak sentsibilizatzeko eta alkoholak dituen arriskuak eta kalteak murrizteko mahaia antolatuko dute, 17:00etatik 20:ooetara eta 21:00etatik 01:00etara. Hilaren 27an ere egun guztian zehar, 10:00etatik 01:00etara, alkoholaren arriskuei buruzko programa ibiltaria jarriko dute berritasun gisa.
