Animalien Ordenantzak kezka sortu du jendearengan
7.3 artikuluaren inguruan egin dira ekarpen gehienak, hondartzara txakurren sarrera jorratzen duena.
Animalien Ordenantza berria alegazio prozesuan dago, eta herritarrek ugari egin dituzte. Hainbat kexa izan dira 7,3 artikuluarekin. “Txakurrak urteko sasoietan, ordu-tarteetan eta zehazten diren eta behar bezala seinaleztatuta dauden hondartza tarteetan bakarrik egon ahal izango dira udalerriko hondartzetan”, adierazten du ordenantzak. Hainbat alegaziok eskatu dute artikulu hori ezabatzea, eta udalak adierazi du horrek ez duela ezartzen txakurraren debeku orokorrik, eta xedea dela udalak, etorkizunean, dekretu bidez hondartzen erabilera eta antolaketa arautzea.
“Horrek esan nahi du, hondartzako guneak, ordutegiak edo bestelako erabilera-baldintzak ezarri ahal izango direla, unean uneko beharrak, bizikidetza eta interes orokorra kontuan hartuta. Beraz, artikulu horrek ez du berez debekurik ezartzen, baizik eta etorkizunean hondartzetan txakurren presentzia eta erabilera modu egokian arautzeko beharrezkoa den marko juridikoa ezartzen du. Hortaz, ezinbestekoa da hondartzan txakurrak egotea ahalbidetu nahi badugu”.
Alegazio asko gai berdinaren ingurukoak dira, eta udalak esan du gomendagarria izango litzatekeela eskaera berdina duten eskatzaileek indarrak batzea eta eskaera berbera aurkeztea, sinadura zerrenda bat atxikita. Horrez gain, udalak adierazi du jasotako ekarpen guztiak gardentasunez, legekoztasunez eta arduraz aztertuko direla, “prozeduraren
