Urrezko amaiera nahi dute Super Amara BATeko emakumeek
Kluben Liga Nazionalaren azken jardunaldia izango dute atletek; emakumeak tituluaren bila ariko dira Iruñean, eta gizonezkoak, Durangon.
Asteburu honetan, Atletismoko Kluben Liga Nazionalaren hirugarren eta azken jardunaldia izango dute. Super Amara BAT taldeak bi helburu garrantzitsu izango ditu. Batetik, emakumezkoen taldea, hirugarren urtez jarraian, Espainiako klub onena izateko lehian ariko da. Iruñean izango da Ohorezko Mailako finala, eta bidasoarrek helburu argia izango dute: klubaren postu historikorik onena hobetzea eta nazio mailako talde onenen lehia daudela erakustea. Bestalde, gizonezkoen taldeak Lehen Mailatik ez jaisteko lehia izango du Durangon. Zortzi taldeen arteko lehia oso estua izatea espero dute.
Emakumeen taldeak Diputación Valencia, Playas de Castellón, Trops-Cueva de Nerja, Grupoempleo Pamplona, Unicaja Jaén Paraíso Interior, Atlético San Sebastián eta L´Hospitalet At taldeak izango ditu aurkari. Jardunaldi erabakigarrian parte hartuko duten emakumeak honako hauek izango dira: Ana Gomez, 100 metrotan; Hai Duong Alzaga, 200 metrotan; Alaine Aguerralde, 400 metrotan; Junkal Etxegaray, 800 metrotan; Laura Etayo, 1.500 metrotan; Marta Maza, 3.000 metrotan; Uxia Pereira, 100 metro hesietan; Alazne Garrido, 400 metro hesietan; Douae Ouboukir, 300 metro oztopoetan; Naia Llorente, altueran; Maialen Miera, jauzi hirukoitzan; Olaia Becerril, luzeran; Aslyn Quiala, pertikan; Goizane Garcia, pisuan; Arielle Ngole, diskoan; Noa Esteban, jabalinan; Lisette Arreaga, mailuan; eta, Nerea Parreño, 5 kilometroko ibilketan. 100 metroko erreleboetan bi talde izango dira: batean, Ana, Uxia, Olaia eta Hai Duong ariko dira; eta bestean, Alazne, Alaine, Alazne eta Irati.
Gizonezkoek, berriz, Cordoba Patrimonio C.A.C., Durango Kirol Taldea, At Badajoz – Extremadura, Club Atletismo Naron, Hiru-Herri, Atmo. Portugalete eta R.C. Celta taldeekin batera izango dira Lehen Mailako azken jardunaldian. Durangon parte hartuko duten atletak: Iker Piñeira, 100 metrotan; Alejandro Per, 200 metrotan; Carlos Igartua, 400 metrotan; Alai Cabello, 800 metrotan; Mikel Aramendi, 1.500 metrotan; Ander Aramendi, 3.000 metrotan; Manu Fernandez, 110 metro hesietan; Eñaut Arburua, 400 metro hesietan; Julen Mendoza, 3.000 metro oztopoetan; Aritz Zuazo, altueran; Juan Errandonea, jauzi hirukoitzan; Iker Arozena, luzeran; Mario Estanga, pertikan; Gonzalo Tamayo, pisuan; Bruno Cagigos, diskoan; Alejandro Esteban, jabalinan; Unax Eraso, mailuan; eta, Rafael Torralba, 5 kilometroko ibilketan. Emakumezkoetan bezala, zortzi atleta izango dira 4×100 metroko erreleboetan. Lehenengo taldean, Iker, Alex, Iker eta Andoni izango dira; eta bigarrenean, Alejandro, Carlos, Urko eta Garrantxo.
