San Jose Obrero futbol zelaiak belar artifizial berria izango du
Gaur hasi dituzte futbol zelaiko belar artifiziala aldatzeko obrak, eta ordezkatzeko lanek bi hilabete eta erdiko iraupena izango dute.
Herritarren eskariari men eginez, gaur hasi dituzte San Jose Obrero futbol zelaiko belar artifiziala ordezteko lanak. Kirol instalazioak hamabost urte baino gehiago ditu, eta gaur egun nahiko hondatuta dago. Kautxua oso higatuta dago eta bestelako elementuak eta ekipamenduak ere hondatuta daude. Denboraldia amaituta, egungo soropila ordezteko eta arauzko futbol zelai berria markatzeko obrek bi hilabete eta erdiko iraupena izango dute, futbol zelaia denboraldi hasierarako prest egon dadin.
Borja Olazabal Kirol ordezkariak hiriko kirol instalazioak ahalik eta baldintza onenetan mantentzearen garrantzia azpimarratu du. “Estadioak erabilera handia du urtean zehar, eta kirol ekipamendua hobetzea ezinbestekoa da kirol segurua eta aktiboa sustatzeko”, gaineratu du. Gorka Alvarez Obra, Mantentze eta Azpiegituren ordezkariak ere instalazioak hobetzearen premia nabarmendu du.
Obra honek 439.000 euroko aurrekontua izango du. Lehenik eta behin, kirol ekipamenduak eta belarra kenduko dituzte, eta lurra hondatuta dagoen guneak konpondu. Behin hori eginda, kirol ekipamendu berriak, sareak eta 40 milimetroko belar artifizial berria jarriko dute. Horrela, arauzko futbol zelai bat markatuko dute, baita zazpiko futboleko beste bi zelai horizontalean markatu ere. Soropilaren gainazalean kautxu pikorkatua jarriko dute, seguruagoa eta uniformegoa izan dadin.
