Iñigo Urkulluren hitzaldia, Palmera Monteron
Foro Irun Hogeitabatek antolatuta, 'Agora' programaren bigarren saioa egingo dute asteazken honetan, hilak 10, 19:00etan hasita.
Iñigo Urkullu Irunen izango da etzi, hilak 10. Foro Irun Hogeitabatek antolatuta, Europako proiektuaren erronkei eta ikuspegiei buruzko hausnarketa egingo du Urkulluk. Hitzaldia Palmera Montero guneko 5. aretoan izango da, 19:00etatik aurrera. Jurdan Arretxe kazetari irundarrak Irun. Europa hitzaldia moderatuko du. Sarrera librea izango da aretoa bete arte.
Agora programaren bigarren saioa izango da, eta topaketa publiko honetan, herritarrek elkarrizketarako espazioa izango dute euren kezkak, ideiak eta nahiak azaltzeko. Gaur egun, Urkullu eAtlantic fundazioko presidentea da, eta Europako elkarrizketa eta lurraldeen arteko lankidetza indartzeko ekimenak bultzatzen ditu. Gainera, eskualdeek Europaren etorkizunaren eraikuntzan duten zeregina eta egoera politikoa aztertuko du hitzaldian.
Apirilaren 28an, lehenengo saioa egin zuten eta bertan Bingen Zupiria Segurtasun sailburua izan zen herritarren egoera gertutik ezagutzen. Azken batean hori baita Agora programaren helburua, herritarren kezkak antzeman, ikusarazi eta horiei aurre egin.
