BidaSound jaialdirako eguneko sarrerak, salgai
Jaialdiaren lehenengo edizioa abuztuaren 28 eta 29 egingo dute Ficoban, eta dagoeneko egun bakoitzeko egitaraua prestatu dute.
Abuztuaren 28an eta 29an, Ficoban Espainiako musika talde garrantzitsuenak bilduko dira. BidaSound jaialdiaren lehenengo edizioan Maldita Nerea, Efecto Pasillo, David Otero eta Celtas Cortos taldeak izango dira, besteak beste. Martxoan kartelaren lehenengo konfirmazioen berri eman zuten, eta datozen egunetan, bi artista gehiago eta sorpresa ugari iragarriko dituzte.
Dagoeneko argitu dute zein taldek joko duen egun bakoitzean. Abuztuaren 28an, ostiralarekin, Maldita Nerea, Efecto Pasillo, David Otero, El Vega Life, Volavent eta Sao taldeen txanda izango da; eta jaialdiaren bigarren egunean, abuztuak 29, Celtas Cortos, Burning, La Frontera, La Cabra Mecanica, Embusteros eta La Bona Dea taldeak taularatuko dira. Bi egunetan, Oihan Vegak eta Aitana Grandesek giroa animatuko dute.
Bi eguneko bonua erosteaz gain, gaurtik aurrera eguneko bonua erosteko aukera izango dute musikazaleek. Egun bakoitzeko sarrerek 45 euroko prezioa izango dute, eta webgunearen bidez eros daitezke. Modu berean, gogorarazi dute hasierako prezioan jarritako bonuak amaitzear daudela. Hura amaitzean, prezioa igoera izango dute bonuek.
