AROA Plan Estrategikoa, euskararen normalizaziorako
Plan estrategikoak zazpi ardatzetan banatutako 61 proposamen izango ditu, eta 2029ra arte indarrean egongo da.
Ostiraleko udalbatzak askotarako eman zuen, eta askotariko gaiak jorratu zituzten. Horietako bat, AROA Irungo Euskararen Plan Estrategikoa 2026-2029 izan zen. Proiektu honen helburua euskararen normalizazioaren alde jardutea da, eta guztira 61 proposamen bilduko ditu. AROA Marko Estrategiko orokorraren (2024-2034) egiturari jarraituz antolatuta dago, eta Irungo errealitatera egokituta.
2003an Euskararen Ordenantza onartu zuten, eta 3. artikuluaren arabera, bi hizkuntzen berdintasun soziala lortzeko udalak lehentasunezko tratamendu berezitua emango dio euskarari.
Euskararen Aholku Batzordean oinarritutako partaidetza-prozesu baten emaitza da, eta zazpi ardatz izango ditu: gobernantza, berrikuntza; jarrerak eta motibazioak; ezagutza eta gaitasuna; eta, erabilera eta elkarreragina. Bost ardatz hauez gain, kudeaketarako beste bi izango ditu, hain zuzen, ikerketa-sistematizazioa eta komunikazioa-hedapena.
Programa bakoitzak bere arduraduna, hartzaileak, lehentasun-maila eta jarraipen-adierazleak zehaztuta izango ditu, 2029ra bitarte lantzeko. Plan estrategiko honek hainbat neurri kontuan hartu dituzte. Euskara Aholku Batzordea berrantolatzeko Euskaraz barra-barra, Kalean bai, Zinema Euskaraz, Familia Ola eta Haurrak parkean egitasmoak bultzatuko dituzte.
Aurrekontuari dagokionez, programa berrietan gutxieneko partidak finkatu dituzte, eta udalaren beharren arabera, zein programari lehentasuna eman erabakiko dute urtero.
